Wednesday, September 20, 2017

طريقة عمل باستا باللحم المفروم بالصور

| باستا باللحم المفروم |

.

.

قد حطيت وحده شبيهه لها من قبل ,

بس حطيتها عشان انطلب مني طريقة شي مافيه
لا كاتشب ولا صوص صويا وماسويت هالفتره الا هالباستا قلت احطها
=)

| الطريقة والمقادير مع
بعض
| :

أول شي نحمس بصله كبيره مقطعه لمكعبات صغيره
مع زيت
.

ونرش شوي ملح عشان يذبل البصل .

لما يذبل نضيف فص ثوم مفروم ونقلب ثواني .

بعدها نضيف اللحم المفروم .

ونحركه شوي ,

ونخليه لما ينشف الماي حقه ,

على ماينشف .. نخلط بالخلاط :

[ حبتين طماط كبار مقشره
+ مكعبين ماجي + ربع حبة فلفل بارد + كزبره – كميتها تكون بحجم قبضة اليد تقريباً
– + ملعقة طعام معجون طماط
]

لما ينشف ماي اللحم نرش عليه بهارات وفلفل
اسود ونقلبه
.

بعدها نضيف الخليط اللي خلطناه بالخلاط .

ونخليه لما يتسبك .

الحين ,

بالخلاط نحط : [ 6 حبات جبن كيري + كاس ماي
+ علبة صغيره كريمه خفق + علبة معجون طماط
]

ونكون بعد سالقين مكرونه ومصفينها .

نضيف المكرونه ع اللحم ونضيف عليهم خليط الجبن .

ونحركهم لما يتمازجون .

ونخليها دقايق تتسبك .

ونقدمها .

رشيت عليها جبن بارميزان
مبشور وشوية بقدونس مفروم

 

 

About admin

Leave a Reply

Your email address will not be published. Required fields are marked *

*