Thursday, September 21, 2017

طريقة عمل دجاج بالجبن والصلصه بالصور

| دجاج بالجبن والصلصه |

رهيييب وماياخذ وقت .

جربوه وبتدعون لي :$

| الطريقة والمقادير مع
بعض
| :

أول شي تقطع صدور دجاج لمكعبات متوسطه

وبصل مقطع لقطع صغيره .

وفصين ثوم مفروم وتخليهم على جنب .

الحين نحط زيت في قدر ,

ونحط بهارات صحيحه – يعني مو مطحونه

وهي :

3 حبات هيل

4 حبات مسمار

فلفل اسود حب – مو مطحون

نص حبة قرفه

ثوم مفروم – نص الكميه اللي قصيناها بالبدايه

نحمسهم شوي وبعدين نحط البصل عليها ونرش رشه
خفيفه ملح عشان يذبل

.

اذا ذبل نحط الدجاج ونقلبه ونحط الثوم الباقي
والبهارات مطحونه وكزبره مطحونه – الجافه – وفلفل اسود
.

وفلفل حار مقطع شرايح دائريه – لو تحبونها
حاره

ونحمس الدجاج ونخليها على نار هاديه لين تنشف
مويتها
.

الحين بالخلاط نحط :

6 جبن كيري + علبة معجون
طماط + كاس ماي + ومكعبين ماجي
.

ونضيفهم ع الدجاج .

ونقلبهم شوي لما يبدى يصير حار ويتسبك

ونقدمه

About admin

Leave a Reply

Your email address will not be published. Required fields are marked *

*