Sunday, October 22, 2017

طريقة عمل مخلل اللفت بالصور

خلل اللفت بيكون رفيقه قطعة بنجر علشان تدى اللون الفوشيا الحلو اللى احنا بنحبه ..

بس المرة دى انا مش هاعمله ببنجر

انا نقيت اللفت اللى جزء منه احمر زى ما انتوا شايفين فى الصورة كدة
ونضفته من فوق بس

نضيف عليهم نصف كوب ملح خشن

الملح نصف كوب لكل كيلو ونصف لفت .. والمية خليها لغاية ما تغطى البرطمان عندك

وصبيت ماء على الملح واللفت لغاية ما يملا البرطمان

فيه ناس بتضيف خل .. انا مش بضيفه علشان بينعم اللفت ويخليه مش مقرمش زى ما بنحبه
ونقفل عليه ونخليه حوالى 4 ايام قبل ما نفتح عليه

وهنا بعد مرور اربع او خمس أيام
شايفين لون المية بتاعته من غير بنجر

ملحوظة صغنونة لما تجيبى من البرطمان اى مخلل مش تجيبى بايدك بملعقة نظيفة علشان بيخلى المخلل ينعم ويعمل طبقة عفن على وجه البرطمان

About admin

Leave a Reply

Your email address will not be published. Required fields are marked *

*