Monday, November 20, 2017

طريقة عمل الحمام الكذاب بالصور

الحمام الكذاب من مطبخ نسمه عاطف بالصور و الخطوات 
اولا هو اسمه الكداب لانه شبه الحمام
 *وراك او صدور مخليه.انا هنا عملا وراك لانى مش بحب الصدر
 *نتبلها بملح وفلفل

نعمل خلطة رز زى رز الحمام بالظبط(رز +بصل+ملح +وفلفل) 
ونسويه نص سوى على النار.لان الفراخ بتستوى بسرعه

نفرد الورك ونحشيه بالارز بس مش كتير يادوب معلقه ونقفلها بالخله من كل الجوانب.لو معندناش خله هنعمل ايه.هنلفها الاول باسترتش وبعدين فويل

فى طاسة هنحط شوية زيت ونشوح فيها الحمام الكداب ربنا يسامحه

هنا بعد ماتشوح

نكون محضرين حله فيها ماء مغلى وبصلايه وورق لورى وحبهان وننزل الورك فيها.مش بياخد سوى كتير خالص ااقل من الفراخ العاديه كمان .بس اهم حاجه نكون سوينا الرز نص سوى

دى بعد مااتسلقت..فى طاسه وشوية زيت ونحمرها وممكن كمان نحمرها فى الفرن

وبالهنا والشفا

About admin

Leave a Reply

Your email address will not be published. Required fields are marked *

*