Friday, October 20, 2017

طريقة عمل ملوخيه مصري بالصور

اولا انا المروخيه دى مخزناها بطلعها من الفريز قبلها بيوم احطها فى التلاجه او يومها الصبح.حتى لو شاريه الكيس الجاهز.وطبعا بيكون عندنا شوربه /ومحضرين ثوم مفروم عليه شوية ملح وكسبره ناشفه

دلوقتى انا حطا الشوربه سواء(لحم/فراخ)على النارلحد ماتغلى

وعلى العين الصغيره بحط الثوم المفروم وعليه شوية ملح+الكسبره الناشفه+وشوية زيت/انا شخصيا بحب ادق الثوم فى الهون فريش بيكون ريحته اقوى من المتخزن وبالذات فى الموخيه.المهم اوطى عليه خالص لحد ماالشوربه تغلى

اول ما الشوربه تغلى احط الملوخيه وافضل اقلب لحد ماتتجانس مع الشوربه وميبقاش فيه كتل

هنا الملوخيه تجانست تماما مع الشوربه.

ابدأ بقى اعلى النار على الثوم لحد مايصفريبقى ذهبى .اوعى يتحرق منك احسن الملوخيه تمرر

هنا انا مستنيه اللحظه الحاسمه الشوربه بدات تغلى من الجناب.اما ماسكه فى ايدى الطاسه اللى فيها الثوم اول ماتيجى الملوخيه تقلب.انزل بسرعه الثوم

طشششششششششششششششش.بجد احلى صوت بحب اسمعه فى المطبخ طشة الملوخيه .وشمى الريحه بقى .ولو جوزك فى البيت هيبقى هيتجنن عشان ياكل.اقلب تقليبه واطفى النار علطول

* اوعى تسيبيها تغلى.
*واوعى تغطيها عشان متغمقش.
*ولو هتاكلى علطول سيبيى الملوخيه تهدى 10 دقايق بس
*اذا هتسخنى المولخيه بعد شويه برضه متخليهاش تغلى يادوب بس تحس انها هتغلى من الجناب نطفى عليها

وبالف هنا.يارب يكون البوم الملوخيه نال اعجباكم

About admin

Leave a Reply

Your email address will not be published. Required fields are marked *

*