Monday, November 20, 2017

طريقة عمل احلي ام علي بالمكسرات بالصور

المقادير
2 عبوة باف باستيرى
3 كوب حليب فاتر
نصف كوب كريمه لبانى (وممكن استبداله بعلبه صغيرة من القشطه الطازجه )
خلطه المكسرات وهى عباره عن كوب كبير من
بندق…فستق…..عين جمل….زبيب…..لوز……وجوز الهند وطبعا الخلطه دى اختيارى
ملعقه زبده سايحه
توابل ام على عباره عن (سكر وقرفه وحبهان)

الطريقه

نقطع الباف قبل الخبز بهذه الطريقه لان تقطيعها بعد الخبز بيخليها تتفتت كتير اوى بسبب هشاشتها
وطبعا مش محتاجين ندهنا اى شئ ونسيبها حوالى ربع ساعه

ودى خلطه المكسرات الجامده انا بحبها بكل المكسرات دى

وعلى ما تستوى العجينه فى الفرن نحضر الحليب الفاتر ونضيف السكر والقرفه ورشه حبهان خفيفه انا بعشق ام على بالتوابل دى ونضيف نص كوب كريمه لبانى او علبه قشطه صغيره عالحليب اصل أم على متبقاش أم على غير بكميه الدسم دى

وأدى الست باف باسترى احمرت واتنفخت محدش قدها بقى دى داخله فى أم على أكله الملوك

وفى صنيه ام على نحط الباف اللى استوت مع المكسرات بالشكل ده

نضيف الحليب اللى حضرناه بالكريمه والتوابل والسكر ونغطس المكونات بالملعقه 
وبعدين بدهن الوجه بمعلقه قشطه مع زبده سايحه ونستضيف الصنيه فى الفرن ربع ساعه وبعدين نحمر وشها ونقدمها

About admin

Leave a Reply

Your email address will not be published. Required fields are marked *

*