Sunday, October 22, 2017

طريقة عمل الجبنة القريش بالصور

الجبنة القريش  بالصور و الخطوات
المقادير :-

لبن “حليب ” سايب وغير مغلى انا عملت كيلو الا ربع تقريبا
كيس قماش … والطريقة مع بقية الصور

اول حاجة بجيب اللبن ولازم ميتغليش وبحطه في حلة او طاجن زي ما تحبي بالشكل دا وتغطي عليه وتحطيه في اي مكان في المطبخ علي الرف مثلا …
وتسبيه مدة 24 ساعه ياعني لنفس الوقت اللي حطتيه فيه بس تاني يوم

وهنا بعد ما سيبت هتلاقه عمل زي الزبادي كدا مش سايل زي اللبن … هتسبيه زي مما هو مش هتلقبيه ولا حاجة

  مجرد تجيبي ملعقة كبيرة وتشيلي طبقة القشطة ع خفيف

 وهنا القشطة لما شيلتها

اكون مجهزة حصيرة بتبقي خاصة بعمايل الجبنة القريش ولو مش عندك هتجيبي كيس قماش زي الصورة كدا وبحطه في طبق عشان لما هنزل بالحليب اللي في الحلة بعد ما مسك هيبقي معاه ماية فمتنزلش مني علي الرخامة

 وهنا خلصت وحطيتها في الكيس القماش وتحركيها بحيث تشغل الحيز اللي تحت كله بتاع الكيس وبعدين علقته في مطباقية المطبخ بالشكل دا بمشابك ههههه وحطيت تحتها طبق لانها هتفضل تنزل مايتها “الشرش طول الليل انا هنا كنت عملتها بالليل
اول ما تحطيها في الكيس هتلاقي كمية شرش “ماية ” كتير نزلت بس بعد ما تعلقيها هبتدي مقدار الماية يقل لحد ما تبقي بتقط نقط بس هتسبيها لغاية الصبح

وهنا شكل الشرش اللي بينزل منها

  وده شكل الكيس بالطبق ع بعد شوية

 هنا بقي ببقينا الصبح شوفوا الشرش بقي كتييير والجبنة نشفت ومسكت نفسها بخلاف الاول
… نزلت الكيس براحة وفتحته هتلاقيها واخده شكل الاسطوانة كدا هتقطعيها قطع زي الصورة اللي جاية

About admin

Leave a Reply

Your email address will not be published. Required fields are marked *

*