Monday, November 20, 2017

طريقة عمل الكيكة الاسفنجية بالصور

هنحتاج 8 حبات بيض بدرجة حرارة الغرفة ونفصل الصفار عن البياض

2 كوب دقيق منخول هننقص منه معقتين ونبدلهم بالنشا 
2 كوب سكر بودرة منخول 
ملعقة كبيرة بيكنج بودر
نصف ملعقة كبيرة كريم اوف تارتار
ظرف فانيليا و1\3 كوب مياه

الطريقة دى بتاعة شيف لطيفة ودى افضل طريقة للكيك الاسفنجى عن تجربة

هنضرب بياض البيض بعد ما نضيفله الكريم او تارتار وممكن نستبدله بقطرات من الخل ورشة ملح نضرب لحد ما يوصل للمرحله دى

نضيف كوب سكر بودرة ونخفق واول ما يوصل لمرحله المنقار ده وقفى الضرب عشان ميفصلش منك

فى طبق تانى هنضيف الكوب التانى من السكر البودرة مع الصفار ونخفق

ونضيف الفانيلا ونخفق

نضيف الدقيق والمياه على دفعات ونخفق ومش مهم السباتيولا مهم انهم يتخفقو كويس وبسرعة

لحد ما نوصل للقوام ده هنضيف بياض البيض حبه بحبه ومن تحت لفوق براحة بالسباتيولا او ملعقة مسطحة وبراحة عشان البيض يحتفظ بقوامه ووكمان يختلطو كويس

بنجهز الصينيه بالزيت والدقيق وممكن نفرد ورقة زبدة تحت

طريقة الخبز الفرن يكون سخن على 200 وندخل الكيك براحة ونسيبه 15 دقيقة ونوطى لحد 150 ونسيبه 20 دقيقة وندخل خله فى النص لو لسه مستوتش سيبيها كمان 10 او 15 دقيقة

وهنا خرجت من الصينيه

احسن طريقة لو هتزينيها انك تغلفيها وتسيبيها فى الثلاجة لتانى يوم عشان متفرولش

لعمل الجناش لكل كوب شوكولا هنحتاج نصف كوب كريمة بنقطع الشوكولا قطع صغيره

الكريمة توضع عالنار واول ما تبتدى تغلى ننزلها عالشوكولا ونقلب

هنوصل للصوص الجميل ده

هنحتفظ بيه فى درجة حرارة الغرفة لتغطية الكيك وجزء فى الثلاجة للحشو

قسمت الكيك ثلاثة

ده الخاص بالحشو

نسقى الكيك بالفرشاة سيرب بسيط خالص

ونفرد الحشو

نغطى بالكيك بالكريمة وتدخل الثلاجة نصف ساعة ونغطيها بطبقى ثانيه من الكريمة وتدخل الثلاجة نصف ساعة

بعدين نغطيها بالصوص ونزينها 

ممكن نحط فى الحشو حبات مالتيزرز برده

 

 

About admin

Leave a Reply

Your email address will not be published. Required fields are marked *

*