Thursday, December 14, 2017

طريقة عمل كعك العيد بالصور

كيلو دقيق
550 جرام سمن = 3 كوب الا ربع
كوب لبن = 250 جرام = 4\1 كيلو
معلقة كبيرة سمسم محمص + م صغيرة ريحة الكحك او محلب
معلقة صغيرة بيكنج بودر + معلقة كبيرة خميرة + معلقة كبيرة سكر + ذرة ملح

طريقة العجمية
===========
نضع 2 معلقة دقيق مع 2 معلقة سمن غلي النار لمدة 3 دقائق وبعدين نحط
معلقة سمسم وبعدين فنجان عسل نحل ونقلب حتي تتماسك لمدة 3 دقيقة
نشيلها من النار ونضع معلقة مكسرات مفرومة ونسبها تبرد وبعدين
نشكلها كور صغيرة ونحطها في التلاجة تتماسك شوية

الحشو
عين جمل + بندق + عجمية

نخلط الدقيق + السمسم + ريحة الكحك + البودر + الملح + السكر

نقدح السمن ونحطة علي الدقيق

نبسة الدقيق مع السمن بكف الايد او معلقة خشب وبيقي سخن نااار

ندوب الخميرة في شوية من اللبن ومعلقة صغيرة سكر

نحط اللبن الاول عشان يبرد العجين شوية عشان الخميرة ماتموتش

نحط الخميرة ونلم العجين

نسيبة يخمر نصف ساعة

نحشي عجمية ونكور ودي بصامة بتاعت الكحك جيبتها من العتبة ب 6 جنية عشان عارفة انكوا هتسالوا :)

 

دة مجشي عين جمل وبالقالب البلاستك

فرن في الرف الوسط 180 لحد السوي

About admin

Leave a Reply

Your email address will not be published. Required fields are marked *

*