Thursday, October 19, 2017

طريقه عمل صنيه رقاق بالصور

طريقه عمل صنيه رقاااااق
بالصور و الخطوات

 
ده الرقاق بتاعى انا عاملاه فى البيت ودى طريقته فى اللينك ده اضغطي هنا

هنا عصجت اللحمه عادى جدا بصلتين قليتهم فى شوية زيت وبعدين حطيت اللحمه عليهم وحطيت الملح والفلفل 
الملح يتحط فى الاول علشان اللحمه تكلكع معاكى متبقاش ناعمه وحطيت شوية زبيب وقطعت كبد وقوانص البطه كانم مستويين طبعا

هنا حضرت صنيه هبل فيها الرقاق وصنيه اللى هعمله فيها 
ومعلقتين سمنه وفرشه والعصاج بتاعى

طبعا حله الشوربة بتغلى ع البوتوجاز وانا باخد منها وانزل على الرقاق لحد مايطرى اخده انقله فى الصنيه بتاعتى التانيه 
المفروض هعمل 3 رقاقات فوق و3 تحت وبينهم لحمه

دى اول طبقه رقاق وبحط عليها السمنه بالفرشه

ودى التانيه وكذلك حطيت الثالثه وكل مرة بدهن سمنه

وبعدين العصاج فى النص

والرقاق فوق العصاج عملت 3 فوق زى ماقلت و3 تحت

وقبل مادخلها الفرن بقطعها مربعات بالشكل ده واخد بالى وانا بقطع علشان متتهراش منك وبدخلها الفرن عشر دقايق بس
واطلعها تانى علشان احطلها كوبايه اللبن وبيضه ومعاهم فلفل اسود

هنا طلعتها بعد عشر دقايق وحطيتها كوبايه لبن ببيضه وشوية فلفل اسمر وارجعها الفرن تانى

وده شكلها بعد ما تحمرت فى الفرن

 

About admin

Leave a Reply

Your email address will not be published. Required fields are marked *

*