Wednesday, December 13, 2017

طريقة عمل البريوش بالصور

المقادير :-

3 اكواب ونصف دقيق
3 ملاعق كبيرة سكر
2 م ك زبدة
كوب حليب دافي للعجن ” المقدار قابل للزيادة او النقصان حسب ليونة العجينة ”
قطعه خميرة طازة بحجم م ك
بيضة + ذرة ملح
سكر حبيبات ناعمة وزبدة بدرجة حرارة الغرفة


الطريقة :-

1- نخلط الدقيق مع السكر مع الملح
2-نضيف البيضة مع الاستمرار بالعجن
3- ثم نضيف الخميرة المذابة مع الحليب والزبدة ونعجن كويس اوىى

ثم نتركها تخمر كويس حوالي ساعة او ساعتين

ناخد قطعه من العجينة ونعمل 3 كور ونفردهم ع شكل 3 دواير مستقلة …نضع اول دايرة في الصينية ونمسح عليها بالزبدة وعليها رشة سكر لحد ما احط التلاتة فوق بعض

بالشكل ده بس انا هنا مكنتش لسه حطتيهم ف الصينية…ويستحسن تحطي في الصينية ورق زبدة مدهون ع خفيف بماده دهنيه “زيت او سمن “

وبعدين نعمل 8 شقوق بالنتصف من غير ما اوصلها للاطراف واسحب المثلثات للخلف بالشكل اللي في الصورة

وبعدين ناخد قطعه تاني بس بحجم اصغر ونقسمها 3 كور بنفس الطريقة الي فاتت ونحطهم فوق بعض مع مراعاه دهن كل دايرة بالزبدة والسكر ونعمل بردوا 8 شقوق بنفس الخطوات السابقة واسحب المثلثات للخلف

تمااام زي الصورة كداا …وبعدين احط بقية العجينة قرص صغيرة مدورة من العجينة وارش علي الوش سكر ورشة زبدة اختياري

واسيبها تخمر وادخلها الفرن ع درجة حرارة متوسطة

وده شكلها لماطلعت من الفرن ماشاء الله

وده شكلها من تحت ماشاء الله مستوية وجميلة

About admin

Leave a Reply

Your email address will not be published. Required fields are marked *

*