Monday, January 16, 2017

طريقة عمل الخبز العربي بالصور

الخبز الابيض :

ممكن يتعمل المقدار كله بالدقيق الابيض و ممكن نصف دقيق ابيض و نصف دقيق اسمر ( بر) او المقدار كله دقيق اسمر بس بياخد ماء في العجن زيادة شوية

المقادير

4 كوب دقيق ابيض
معلقة صغيرة ملح
معلقة كبيرة خميرة بيرة
معلقة كبيرة سكر
معلقة كبيرة حليب بودرة ( لو متوفر )
ماء دافئ للعجن حوالي كوب او زيادة شوية حسب الدقيق

تنخل المكونات الجافة كلها الاول ثم نضيف الماء بالتدريج حسب الدقيق ما ياخد

دا شكل العجينة بعد اضافة الماء و نعجنها كويس جدا انا عجنتها بايدي لمدة من 5 – 10 دقائق و بعدين نغطيها و نسيبها حوالي ساعتين تخمر

دا شكل العجينة بعد ما اختمرت كويس

نقطعها دوائر حوالي من 12 -15 دائرة و نرش الدوائر بالدقيق و نغطيها و نسبها تخمر تاني حوالي نصف ساعة تقريبا

 دا شكل الدوائر بعد ما اختمرت 

تفرد الدوائر بالنشابة الي سمك مناسب يعني مش رفيعة اوي او سميكو اوي نخليها وسط و بعد ما نفرد الدوائر كلها نغطيها و نسيبها تخمر تاني نصف ساعة

 شكل الدوائر قبل ما تخمر

 شكلها بعد ما اختمرت 

 نسخن الفرن على اعلى درجة حرارة و نحط صينية الخبز في الفرن و هي فارغة علشان تسخن كويس لمدة 10 دقائق , وبعدين ندهن وش الخبز ببيضة عليها سنة بسيطة فانيليا و نرفع الرغيف بالراحة من الاطراف و نحطه على صينية الخبز السخنة في الفرن و نقفل الفرن , مش بياخد اكتر من 5 دقائق و يكون جاهز

دا شكل الارغفة بعد ما خرجت و بتكزن طرية لو عايزها ناشفة سيبيها تحمر سنة في الفرن زيادة

About

Leave a Reply

Your email address will not be published. Required fields are marked *

*