Tuesday, September 19, 2017

طريقة عمل الفطير المشلتت بالصور

دى مقادير العجين :-
2 مج دقيق ونصف ( يعنى نص كيلو دقيق )
معلقه ملح صغيرة
مج ماء فاتر

 
بعجن العجينه كويس جدا لحد ما تبقى ملساء وناعمه جدا وطرية فى ايدى
واسيبها ترتاح شوية هى مش هتخمر بس ترتاااااااااااااح



بغظيها واسيبها

 
ودى الزبده اللى انا اشتغلت بيها الفطير ( 200 جرام زبده ) لورباك او اى نوع تحبيه و طبعا غير مملحه


 
بسيح الزبده فى مقلايه كده وتكون دافيه خالص مشتغلش بيها سخنه يعنى فاترة تبقى اوكى


 
فى خطوة قبل دى والله نسيت اصورها انا اسفه
بس هى عبارة عن انى بقطع العجينه قطعه اللى هتبقى وش الفطيرة ( هى اللى فى الصورة دى )
وبقطع 10 كور صغيرين هما قلب الفطيرة واحطهم فى الطبق البلاستيك تانى بس نقطتين زيت كده حولهيم علشان ميلزقوش فى بعض او انك تبعديهم عن بعض
وكل لما هاجى اشتغل بقطعه منهم سواء الكبيرة او الصغيرة هغطسها كده فى الزبده الاول
تعالوا للى بعد كده


 
هنا دى القطعه الكبيرة بعد ما فردتها اهى


 
ودى القطعه الصغيرة


 
ودى القطعه الصغيرة خالص الكورة بعد ما فردتها



حطيت القطعه الكبيرة وعليها معلقتين زبده فى الصنيه وافرد الزبدة عليها كلها بايدى


 
هنا حطيت فوقيها القطعه الصغيرة بعد ما فردتها وبرده احط فويها زبده علشان نعمل فاصل بين كل طبقة والتانيه


 
والصورة دى بعد ماعملت ال 10 كور مفرودين طبعا فوق بعضهم على وش الفطيرة
… تابعوا الصورتين اللى جايين مهمين شوية


 
بلمها بالشكل كده واعملها كورة فى ايدى


 
بحطها بعد ما لميتها على الرخامه او الصنيه اللى بشتغل عليها وبعدين اخلى الجزء المنكوش من تحت مش من فوق وافردها كويس هتتفرد حلو اوى اوى معاكى وبعدين حطيها فى الصنيه وحطى من تحتها زبده ومن فوقها زبده كتير 4 ملاعق كده مثلا وانا كمان زودت معلقه سمنه بلدى فوق الوش معاهم


 
دى شكلها وهى فى الصنيه


 
ودى بعد ما خرجتها من الفرن
الف هنا وشفا


About admin

Leave a Reply

Your email address will not be published. Required fields are marked *

*