Wednesday, December 13, 2017

طريقة عمل قرنبيط مقرمش بالصور

دى صورة القرنبيطة الصغننه بتاعتى تكفى لشخصين فقط

 
ودلوقتى هبدأ اسلقها فى ماء غلى وملح وزى ماهى بدون ما قطعها


 
هنا بقا بحضر الخلطة اللى هعمل بيها القرنبيط وهى عبارة عن :- بيضتين او ثلاثه انا عملت ثلاثة بس كانم كتير شوية ممكن اتنين – ملح – فلفل – كسبره ناشفه – كمون – و4 ملاعق دقيق هعمل بيهم عجينه كده هتبقى لا سائلة ولا تخينه وبعدين تابعوا الصور


 
هنا قطعت القرنبيط قطع صغيرة وبعدين حطيتها على الخليط وهسيبها واقلبه كويس لحد لما اجى احمره مش شرط ممكن احمره على طول بس بعد طبعا ما عمله البقسماط والدقيق علشان يكون مقرمش وجميل


 
هنا قلبته كويس وهبدا اعمله فى البقسماط والدقيق


 
دى صورة البقسماط مع الدقيق اللى هحمر بيه


 
بحضر حله اقلى فيه علشان عاوزة اعمل زيت غزير وطبعا الحله ناشفه من المايه والزيت بسخنه جدا


 
هنا بدأ يتحمر وياخد لون حلو اهو اقلبه بالراحه
وانا بقليه حاساه ناشف مش طرى وده المطلوب انه يكون كرسبى من بره وطرى من جوه


 
ودى صورة طبقى النهائى


About admin

Leave a Reply

Your email address will not be published. Required fields are marked *

*