Saturday, November 18, 2017

طريقة عمل مندي دجاج بالصور

المقادير جدا سهلة ومتوفرة بكل منزل وطبعا بتقدري تزيدي الكمية علي راحتك علي حسب عدد الاشخاص عندك
نبدا بسم الله
كوبين ارز بسمتي هندي منقوعين قبل بساعة تقريبا
بصلة متوسطة مقطعة شرائح
حبتين طماطم مقشرين ومفرومين ناعم
ضرسين ثوم مقطعين شرائح
مكعبين ماجي
والبهارات الحب هي / فلفل اسود /عيدان قرفة /مسمار/هيل/ ورق غار
والبهارات المطحونة هي ملعقة صغيرة من كل من
كركم/لومي اسود مطحون/قرفة/بهارات دجاج/بهارات مشكلة


 والدجاجة طبعا بنغسلها وبنصفيها كتير منيح وبعدين بنعمل فيها شقوق صغيرة وبنفركها بفلفل اسود وكركم وقرفة /دارسين مطحون وبنفرم بصل وطماطم صغار مع ملح وبنتبل الدجاجة فيهم ليله كاملة او ٤ ساعات اقل شي

 
بنحط كمية زيت وبنقلب البصلة فيهم مع البهارات الحب فقط لغاية ما تدبل البصلة وتطلع ريحة البهارات الحلوة


 
بعدين بنضيف الطماطم والماجي والبهارات المطحونة ورشة ملح وبنقلب لغاية ما تدبل الطماطم


 
وبعدين بنضيف الرز وبنحرك شوي بنحاول نشربة من الخلطة شوي

ملاحظة : استخدمي قدر فتحته عريضة شوي وقصير وبدون يدات بلاستيك او صينية مرتفعة شوي للرز



 
وبعدين بنضيف ماي مغلي والماء يكون نفس كمية الطبخ للأرز العادي
لاتنسي انه راح نطبخ الرز بالفرن مش علي النار
يعني بخليه علي النار لغاية ما يبلش يغلي وبعدين بشيلة علي طول


 
وبغلفة كتيير منيح بالقصدير ما بخلي مكان مفتوح من الاطراف ابدا
وببلش اعمل فتحات بالقصدير بكل مكان تقريبا بس ابعدي عن الاطراف


 
حطي الدجاجة فوق القصدير ..
علي فكرة الوصفة الاصلية ما فيها خضار بس انا حبيت احط بطاطا وجزر وبصل مع الدجاجة ودهنتهم بزيت زيتون ورشيت عليهم فلفل اسود وملح وزعتر اخضر بس


 
ورجعت غلفت الدجاجة وهي فوق القدر بقصدير وما خليت مجال للهواء ابدا سكرتها كتيييير منيح عشان الدجاجة تكون ذاااايبة ومستوية كتير متل المندي
ودخلت القدر علي فرن حاااااامي وبعدين خليت الحرارة ١٧٠ فهرنهايت تقريبا لمدة ساعتين


 
بهالوقت اعملي صوص المندي
حبتين طماطم مقشرين /قرن فلفل حار/شوية كزبرة خضرا/ضرس ثوم/شوية فلفل مجفف/كزبرة مطحونة/واريجانو وملح
كلهم اخلطيهم بالخلاط الكأس مع شوية ماي


 
وهذه الصوص خلص وكان حراااااق وبجنن


 
بعد الساعتين كشفت الدجاجة وحطيت عليها قطع زبدة وشلت الخضار ورجعتها الفرن تتحمر بس من فوق


 
وبس تتحمر الدجاجة بنقدمة علي طول مع الخضار والصوص الحار
والمكسرات اختيارية يعني الوصفة الاصلية ما فيها مكسرات


 
وانشالله يعجبكم جد كان كتييير لذيذ والدجاجة مستوية كتييير ودااايبة وطعم الرز بجنن من البهارات والطبخ بالفرن والخضار عملت جو كمان مع الطبخة
صحتيين :)

About admin

Leave a Reply

Your email address will not be published. Required fields are marked *

*