Tuesday, September 19, 2017

طريقة عمل فطائر السترومبلي بالصور

هو صنف ايطالي و تقريبا هو شكل آخر لفكرة البيتزا ,,
ممكن يتعمل بأي عجينه و أي حشو يعجبك , و سهل جدا ..
انا عملته بحشوي الخاص و ده مش اساسي , و استخدمت عجينة العشر دقائق ..
ندخل ف الموضوع ؟؟؟

ندخل ..
عجينة العشر دقائق للي ميعرفهاش هي كنز الكنوز الدائم الفوز !!
مش هقول اكتر من كده ..
بتتعمل على مرحلتين
المرحله الاولى : 2 كوب ماء , 2 كوب دقيق , 2 ملعقه صغيره خميره , فنجال قهوة سكر , رشة ملح ..
نعجن المقادير دي وو نسيبها 10 دقائق ترتاح و بيكون القوام كما ف الصورة التاليه ..

 
هنا اضفت المجموعه الثانيه
و هي عباره عن :
3 كوب دقيق , 2 ملعقه كبيره لبن بودر , ملعقه كبيره بيكنج بودر , نصف كوب زيت ( انا مزجت الزيت مع الزبده ) ..

و هنا اضفت المكونات الجافه .




 ثم اضفت الزيت ..

 
العجينه بقت ناعمه و لونها فاتح و قوامها متماسك ,
نسيبها تخمر ساعه او ساعه و نص , لحد م حجمها يزيد ..


 
ده حشوي الخاص القابل للتعديل بأي شئ تحبيه ..
استخدمت ( رومي مدخن و سوسيس و زيتون و جبنه زرقاء او ( روكفور) و خليط من الشيدر و الموتزاريللا )


 
فردت قطعه من العجين و دهنتها على خفيف بملعقة شاي من الجبنه الروكفور
( خلي بالكم ان طعمها مش بيكون بالقوة اللي انتوا عارفينها عنها !! يعني هي مجرد بتدي بُعد تاني للطعم , و اللي مش بيحبها اوعده انه لو جرب الحشوه مش هيحس بطعم الروكفور ) ..


 
شرائح الرومي المدخن ..


 
الزيتون و السوسيس


 
خليط الاجبان ..


 
و نبرم العجينه مع احكام غلق الاطراف و جعل الجانب المفتوح لأسفل ..


 
بعد تشكيل السترومبولي ,,

دهنت الوش ب مزيج مكون من ( بيضه , حليب , نصف ملعقه صغيره نسكافيه ) و رشيته بالسمسم و حبة البركة ..



 ده السترومبولي بعد م خرج من الفرن مباااشرة ..



About admin

Leave a Reply

Your email address will not be published. Required fields are marked *

*