Tuesday, September 26, 2017

طريقة عمل فطاير الورد البلدي بالصور

مقادير العجينة
========
3 ونصف كوب دقيق
ملعقة كبيرة خميرة طازجة ادوبهم في ملعقة صغيرة سكر وربع فنجان لبن دافىء
ربع كوب سكر 

ربع كوب زيت 
حوالي كوب لبن دافىء
قطعه جبنة النوع اللي تحبيه “اسطنبولي -قريش ..او ممكن تخلي الحشو لحمة مفرومة”

الطريقة
=====
1) تخلط جميع المقادير الجافة ثم نضع الزيت والحليب والخميرة ونعجن كويس لمده 10 دقايق واسيبها تخمر …..ودي صورة العجينة بعد ما خمرت وجاهزة علي التشكيل

 
نفردها الى دائرة كبيرة ونحاول تكون رقيقه و نقطعها دوائر باستخدام شكل دائري

 
ناخد 5 دواير ونعملهم كما بالشكل ونضع علي الطرف قطعه جبنة صغيرة ومنساش اضغظ بين كل دايرة والتانية وابدا باللف…..بعد ما الفها اقطعها نصفين بالسكينة

 
لما الف الوردة هتبقي الجبنة باينة من تحت بس مش هتقع ان شاء الله …. ممكن تخليها زي ما هي او تحطي قطعه عجينة رقيقة اوى بحجم العملة المعدنية وده اللي بعمله

 
بعد ما اقطعها بالسكينة هتعملي 2 وردة ارصهم في صاج الفرن واغطيهم بقماشةواسيبهم يخمروا

 
هنا شكلها بعد ما خمرت


دهنها ببيضة مخفوقة و عليهم شوية سمسم وادخلها الفرن لمده 10 دقايق تقريبا ع نار متوسطة

 
وهنا بعد ما خرجت من الفرن

 

فطاير الورد البلدي باللحمة المفرومة..نفس المقادير

بس لو هتعمليها باللحمة ..ممكن تقلقي مقدار السكر وتخليه ملعقتين كبار او لو عايزة نفس مقدار السكر مافيش مشكلة وهتطلع حلوة بردوا ان شاء الله

 

 

About admin

Leave a Reply

Your email address will not be published. Required fields are marked *

*