Sunday, October 22, 2017

طريقة عمل مكعبات صدور بتتبيلة بالصور

المقادير :_

صدور فراخ حسب الكمية اللي تحبيها
علبه زبادي
اعواد خل “بتاعة الاسنان “

التوابل بقي ودي اهم حاجة “ملح-كمون -فلفل اسود-بابريكا -عصير ليمونة-عصير بصلتين كبار مش
عاوزين من البصل الا العصير – مطحون ورق لورا وحبهان ”
معلقتين صلصة هنجتاجهم في الاخر وعليهم شوية زيت وعليهم رشة ملح بكمون


هنا كمية الصدور اللي هاعملها تكون الصدور كتل “سليمة”..ده وزنه حوالي نصف كيلو

 
هفصله بالشكل ده

 
لو الصدر سميك ..بلاقي تحته حته اقدر افصلها بسهولة بفصلها براحة واقطعها مكعبات لوحدها

 هاقطع الصدر الواحد الي 3 شرائح طوليه

 
وكل شريحة اقطعها الي عدة مكعبات كبيرة نسبيا واحط في كل خلة مكعبين

 
ودي الكمية كلها بعد ما عملتها بالخل ..كل خله فيها مكعبين

 
احطها في طبق

 
وهنا مكونات التتبيلة اللي هي علبه زبادي
التوابل بقي ودي اهم حاجة “ملح-كمون -فلفل اسود-بابريكا -عصير نصف ليمونة-عصير بصلة كبيرة مش
عاوزين من البصل الا العصير – مطحون ورق لورا وحبهان “

 
هاحط مكونات التتبيلة في طبق لوحدها الزبادي وعليه عصير البصل فقط مش عايزين من البصل الا عصارته والتوابل والليمون ……واصبهم ع المكعبات واقلبهم تقليبة واحدة …ليه بقي محطهمش ع التتبيلة ع طول علشاان وانا بقلب التتبيلة مقبلهاشش كتير و تفك من الخلل

 
واصب التتبيلة ع المكعبات واقلبهم بايدي مرة واحدة ,واتركهم في التتبيله في التلاجة ليوم كامل ولو مستعجلة يبقي 4 ساعات عشان كل ما تقعدفي التتبيلة كل مايكون افضل

 
احط ملعقتين كبار زيت ذرة مش اكتر من كده ..واحطهم ع النار لحد ما يسخنوا يدوب دقيقتين

 
اول ما الزيت يسخن اضيف المكعبات عشان لما احط الفراخ تفضل مسامها مفتوحة وتبقي طرية واهدي النار شوية “ياعني تبقي متوسطة متبقاش شديدة

 
هنا الفراخنزلت مايتها ..شوية وهتشرب جزء كبير منها ..في الصورة اللي جاية هتشوفوا ازاي شربت مايتها :))

 
واقلبهم كل خمس دقايق كده واسيبهم لحد ما يستوي حوالي ربع ساعه او تلت ساعه

 
وهنا اقلبهم ع الوجه التاني .دقايق بسيطة وهتبقي جاهزة عندي…مش عايزة اقولكم ريحتها بتبقي  جميله جدا ماشاء الله

 
لو عاوزة تكتفي بالخطوة دي مفيش مشكلة وطعمها جميييييل جدااا بجد .سعات بكتفي بلخطوة دي وسعات بكمل .وممكن تكملي وتحطهم في صاج الفرن وتدهنهم بالصلصة

 
وهنا دهنتهم بمعلقة صلصة صغيرة مضاف عليه معلقة ماية وعليها ررشة ملح بكمون

 
ودخلتها الفرن لمده عشر دقايق كده مش اكتر تاخد لون بس والصلصة تنشف :))..وبالهناا والشفا

About admin

Leave a Reply

Your email address will not be published. Required fields are marked *

*