Saturday, September 23, 2017

طريقة عمل الرقاق المصري بالصور

الــرقــاق وصـــل ،،

الرقااق بالصور خطوه خطوه

علبتين رقااق الزهاار

او لفه رقاق بلدى
شوربه لـحـمـه او بــط او فــراخ
او اى مرقه عندك ممكن تستخدميهاا
سمنه بلدى او زبده + زيت>>>>>>>>>
تاابعوا الصور هتشوفوا الطريقه ..


شوربة لحمه و كنت حطه معااهاا مكعب مرقه يطعمهااا ..
هنا اخدت منهااا كميه على نار هاديه
علشان تفضل سخنه
وكل ما تقل بزوود تانى عليهااا و هى على الناار

 

 
باخد ورقه رقااق بحطهاا فى الشوربه لمدة ثوانى على الوجهيين
و بطلعهااا على الصينيه ..


صينيه فيهاا كميه من سمنه سايحه او زيت و زبده
كميه كويسه علشان متلزقش فيهاا عند التسويه

 

 

 نحط اول ورقه رقااق خارجه من الشوربه السخنه
نصفيهاا كويس و نفردهاا
بالشكل ده وندهنهاا بالسمنه السايحه او زبده و زيت
بندهنها علشان تورق فى التسويه …

 

 تانى ورقه زى ال قبلهاا
متغطسه فى الشوربه السخنه لمده ثوانى و نحطهااا على الورقه الاولى وندهنهااا بالسمنه كويس
و هنعمل ورقه كمااان فوقهااا تبقى رقم 3
بس مش هندهنهااا بالسمنه علشان هنحط عليهااا اللحمه المفرومه

تابعوا الصور >>>>

  اللحمه المفرومه معصجه
********************
نص كيلو لحمه مفرومه
بصله مفرومه ناعم
بشرة جوزة الطيب

ملح + فلفل اسود
سمنه او زبده و زيت
الــطـريــــقـه
**********
نحمر البصله لما تبقى دهبى ننزل عليها بالحمه المفرومه ونقلب كويس و اول ما لونها يتغير هتنزل ميتها و تشربهااا نهدى عليهاا النار و نبشر بشره جوزة الطيب و نحط ملح و فلفل اسود و نغطيهاا لمده 10 دقايق على نار هاااديه هنلاقيهاا بقت بالشكل ده اتسبكت و استوت
طبعااا لو احتاجت تزوديها فنجان ميه زودى علشان تستوى فيه
انا مزودتش هى استوت على ميتهااا
>>>>>>>

 
فوق تالت ورقه من الرقااق
نفرد اللحمه بالشكل ده و نوزعها بالتساوى
بس نبعد عن حروف الصينيه 2 سم داير ما يدور
علشان واحنا بنقلبها اللحمه متخرجش منهااا

>>>>>>>>



فوق اللحمه نحط 3 ورقات متغطسه فى الشوربه السخنه و ندهن بين كل ورقه و ورقه سمنه
نعمل 3 رقاات
بالشكل ده
يبقى 3 رقات فوق و 3 رقات تحت و بينهم اللحمه المعصجه 
  
انا بسويهااا على عين البوتاجاز
بحطها على العين الكبيره بس بهدى عليهاا خالص
واخلى النار وسط الصينيه فى الاول
و بعد دقيقتين بلفها على الحروف داير ما يدور
علشان تستوى من الجناب كلها بالتساوى

طبعاااْ لازم تفضلى و قفه جنبهااا
و احياانااْ بحط شيااطه الارز تحتهااا
بس انا كنت مستعجله و كنت اتأخرت ههههههههههههههههه
و بعدين بنقلبهااا لما نرفع حرفها بالسكينه او المعلقه المبططه ونلاقيهااا احمرت و وردت نقلبهااا فى صينيه اكبر نمره او على حاجه مسطحه و نرجعها نفس الصينيه مره تانيه بس نزودهااا سمنه للوش التانى
انا برجعهااا تانى
خلوا بالكم ال مش تعرف ترجعهااا تقلبهااا بصينيه اوسع تكون مدهونه سمنه كميه كويسه>>>>>>>>>>

 
لما الوش الاول استوى
قلبتهااا على طبق مسطح
و زودت الصينيه سمنه و رجعتهااا فيهااا علشان اسوى الوش التانى ..

>>>>>>>>>>

 
شايفين خفيفه جداااْ و طريه جداااْ
الوش مقرمش و القلب طرى جداااااْ 



 
 
سمكهااا مش كبير عامله زى الفطير بالظبط
خفييفه و طعمه جداااْ جداااْ

About admin

Leave a Reply

Your email address will not be published. Required fields are marked *

*