Monday, September 25, 2017

طريقة عمل المنين بالصور

المنين

كيلو دقيق
اقل من نصف كيلو سمن او زيت ياعني حوالي نصف كيلو الا ربع كوب ويكون ساخن جدااا وبنسمي خطوة تسخينه ع النار بقدح الزيت او السمن
م ك خميرة

م ص ملح
سمسم
لبن “حليب”دافىء للعجن
للحشو اختياري..ملبن-عجوة او لو عايزة سادة اما بقي لو حبه يكون عليه شمر او كمون يبقي بعد ما تعجني بتاخدي جزء من العجين وترشي عليه اللي انتي عايزاه من شمر او غيره وتعجني عشان توزعي اللي رشتيه عليها من الشمر او الكمون
…بس ملحوظة لو هتستخدمي العجوة تسيحي م ك سمن في طبق وتحطي عليها العجوة وتهدي النار خاااااااااااااااالص وتقلبي بشوكة بشكل سريع لحد ما تحسي انه بقيت زي الكريم عشان بالطريقة دي بتدي طعم حلو عن لما بتتحط بحالها .زلكن الملبن ممكن تحاولي تفكيكة بشوكة في طبق من غير النار طبعا


هنا الدقيق المنخول بحط عليه السمسموالملح في وعاء الومنيوم ميتاثرش بالسخونية

 
هنا كنت سخنت السمن “الزيت “كويس جدااااااا جدا واحطه علي الدقيق بالشكل ده واقلب بملعقة خشبيه لحد بس ما يهدي من السخونية

 
وبعد ما يهدي بنظف الملعقة اللي كن بلقب بيها وابتدي ابس بايدي ..والخطوة دي بنسميها “بس الدقيق ” انك بتحطي جزء من العجينة اللي في الصورة وتحطي جزء منها بين كفين ايديك وتفركي وهكذا ..لحد ما تحسي ان الدقيق بقي مفرول وقريب من الحبيبات

 
وبعدين تضيفي اللبن “الحليب “الدافي والخميرة المذابة وفي شوية سكر وماية دافيين وتعجنيها زي اي عجينة وتغطيها وتسيبها تخمر

 
وده شكلها لما خمرت..بتاخدي جزء من العجينة وتتكوره وتحاولي تشكليه ع هيثة اسطوانه بايدك وتحطيه ع الرخامة وتحاولي تفتحييه بالطول بس ع الاخر وتحطي فيه العجوة بالطول وتقفلي عليه بالعجينة وتبرمي وتخلي القفله لتحت وتطعيه وتحطيه في صاج الفرن وتسيبه يخمر وبعدين تدهنيه بيض ورشة سمسم ودخليه الفرن ع درجه حارارة متوسطة


وده شكله بعد ما طلع من الفرن ..شكله رفيع شوي عشان مش بحبه وهو تخين كده شكله اقل وكمان فرصة نقلل السعررات :)

About admin

Leave a Reply

Your email address will not be published. Required fields are marked *

*