Friday, September 22, 2017

طريقة عمل العيش الفينو والكيرز بالصور

كيلو دقيق
مقدار فنجان القهوة زيت
2 م ك سكر
م ك خميرة ادوبها في شوية ماية دافيين وملعقة صغيرة سكر
م ك سمن او ممكن ازود مقدار الزيت شوية واستغني عن السمن

علبة زبادي
2 م ص ملح ممسوحة
م ك محسن خبز ولو مش عندك استبدليه ببكينج بودر
لبن دافيء للعجن



هنا عجنت كل المكونات ع بعض اضيف المكونات الجافة الاول ثم السايلة ..واعجن لمدة ربع ساعة او 10 دقايق لحد ما احس ان المكونات تجانست كويس مع بعض..واغطيها واسيبها تخمر

 
هنا بعد ما خمرت ماشاء الله



هابتدي تشكيل بالعجينة ع طول .اخد قطعه وادورها بالشكل ده واحطها ف الصاج لو عايزاها كايزر ولو عايزاها فينو هتفرديها بالنشابة ..تابعي الصور بالاسهم


افرد الكورة بالشكل ده بالنشابة وباستخدام القليل من الدقيق والفها زي الروول بس اخلي الفتحة من تحت عشان لما يخمر ميتفتحش

 
وهنا شكله بعد ما لفيته..هسيبه يخمر

 
وهنا العيش كان خمر ودهنته ودخلت الفرن وده شكله بعد ما خرج من الفرن

 
ولو عايزة تعملي كايزر هتخدي حته العجينة وتكوريها بايدك باستخدام بطن كف الايدين قصاد بعض وتكوريها



وتسيبه يخمر بالشكل ده

 
وادهنه ببيضة مخفوق وارش سمسم ع الوش وادخله الفرن ع نار متوسطة او الدرجة المعتادة مش بياخد وقت كتير

 
وهنا شكل الكايزر بعد ما طلع من الفرن

 

About admin

Leave a Reply

Your email address will not be published. Required fields are marked *

*