Tuesday, September 19, 2017

طريقة عمل بفتيك الفراخ بالصور

بفتيك الفراخ من مطبخ ايه :_
نصف كيلو فراخ بانية
بصله كبيرة مبشورة
ملح-فلفل اسود-كمون-مطحون حبهان وورق لورا


 هجيب طبق او بولة واحط فيه قطعتين بانية واعصر عليهم جزء من البصل المبشور ورشه من التوابل

 
اضيف عليهم قطعتين او تلاتة واكمل نفس الخطوات السابقة

  

 
وبعد ما انتهي من عمل الكمية كلها اقلبهم بايدي كويس واغطيهم واحطهم في التلاجة لمده يوم كامل ..ولو مستعجلة يبقي ع الاقل ساعتين ..نها كل ما تقعد ف التتبيلة كل ما يكون افضل واطعم




وبعد مااقعدها ف التلاجة كذا ساعة ..اجهز حوالي كوب دقيق و2 بيضة وكوب ونصف بقسماط تكوني متبلاه بملح وفلفل اسود وكمون ..واحط كل قطعه بانية في الدقيق وبعدين البيض ثم البقسماط

  



وومكن متستخدميش البقسماط الجاهز …هقولك ع حاجة ممكن تكون متعبة شوية بس بتديلوا طعم حلو ..انك تشتري نص كيلو بقسماط من الفرن وتكسرية صغير وتطحنيهه في الهون وتضربيه ف مطحنة التوابل هيبقي عندك بقسماط فريش شكلة لوحدة تحفة ويفتح النفس :) وطبعا متنسيش تتبيلة بفلفل اسودوملح وكمون وتحفظيه عندك ف التلاجة لوقت الاستخدام

  



وهنا بعد ما حطيتة في الدقيق والبيض والبقسماط …انا مش بحفظه في التلاجة خااالص وبحطه ف الزيت ع طووول وببيطلع جميل اوىى وطري ماشاء الله

  



وهنا شكل البفتيك بالبقسماط الفريش المطحون في البيت

  



نجاح البفتيك في تتبيلته و ف طول المدة اللي هيقعد في لتتبيلة ..والاهم بقي في تسويته ع النار
….لازم قبل ما تحطيه طبعا الزيت يكون سخن بس متخليش الزيت يسخن منك اوىىى لانه لو سخن اوى مجرد ماهتحطي البانية هتلاقي حروفه نشفت …واول ما ترصيه في الزيت تهدي النار خااالص عليه وتسيبه ع كل جنب حوالي خمس دقايق ..وتطلعيهم وتحطيهم ع ورق عشان يشرب الزيت ولما تيجي تحطي الطرحة التانية ف الطاسة تعلي النار شوية لحد ما الزيت يسخن شوية مش جامد وتتهدي النار وتحطيهم ع طول وتكمل زي ما قولنا……وان شاء الله هتدوقي بفتيك رووعة من ايديكي …وبالهنا والشفا

  


وده طبق بالبقسماط الفريش شايفين شكله عامل ازاي ماشاء الله

About admin

Leave a Reply

Your email address will not be published. Required fields are marked *

*