Monday, November 20, 2017

طريقة عمل فراخ بالشامبنيون وصوص الباربكيو بالصور

المقادير :-
1_ فرخة مسلوقة ومخليه من العضم
2_ عدد 2 بصلة مفرومة فرم خشن
3_ عدد 2 حباية طماطم و واحدة فلفل أخضر مقطعين
4_ مشروم (عيش الغراب)

5_ 4 فصوص ثوم مفروم
6_ صلصة الباربكيو
7_ مايونيز وانا هنا استخدمت مايونيز بالثوم بيدي طعم احلى
7_ مستردة
8_ خلطة التوبال سبرنكل ودي بتحل محل الملح والفلفل الأسود
9_ معلقتين سمنة

 
أولا نحط السمنه في طاسة تيفال ولما تتقدح نضيف ليها البصل المقطع ونسيه لحد مايصفر مع التقليب المستمر طبعا

 
بعد مالونه يبتدي يتغير نحط المشروم بس خلى بالك ماتنزليش المية بتاعت المشروم فى الطاسه حاولي تصفيه الاول قبل ماتضيفيه للبصل
وبرضواااااااا مع التقليب المستمر

 
وبعد مالبصل والمشروم يتشوحوا شوية نضيف ليهم الطماطم والفلفل
ونسيبهم يستووا شوية

 
خمس دقايق ونضيف الفراخ المخلية

 
وبعدين نضيف خلطة التوابل سبرنكل بجد جميلة جدا اللى هتستعملها موش هتعرف تطبخ من غيرها بعد كده
بتدي طعم للأكل يجنن وبتحل محل الملح والفلفل الأسود واي بهارات تانيه

 
وبعدين نحط شوية مستردة

 
ومايونيز الثوم وممكن لو فى مايونيز عادي مافيش مشكلة وممكن ماتحطيش مايونيز اصلا ده حسب الرغبة يعني

 
آخر وأهم حاجه صلصة الباربكيووووووووووووووو
نضيف منها كمية محترمه كده
ونقلب كل المقادير سوا ونغطي الطاسه ونسيبهم يستووا على نار هاديه من تلت لـ نص ساعة

 
وتقدم ساخنة مع الرز الأبيض

 

About admin

Leave a Reply

Your email address will not be published. Required fields are marked *

*