Thursday, November 23, 2017

طريقة عمل محشي الكوسة والفلفل بالصور

كيلو ونصف كوسة مغسولة
حوالي3ونصف الي 4 اكواب ارز مصري
2 كوب كبير عصير طماطم
بصله كبيرة مقطعه مكعبات صغيرة
مقدار زيت مناسب للكمية
خضرة مختلفة “بقدونس -شبت -كزبرة” مقطعين
توابل “ملح-فلفل اسود-كمون”




في الاول بجيب الكوسة واغسلها كويس بالماء فقط .وبعدين اسيبها تصفي مايتها وابتدي اقطع الحته اللي قدام بالشكل ده للكوسة كلها عشان اعرف اقورها :)

  


هنا قورت مقدار الكوسة بالشكل ده
  


هنا قورتها كلها وحضرت معاها شوية فلفل ..غسلت الفلفل وشيلت الجزء اللي فوق والبذور ورميتهم وبقي جاهز ع الحشو 

 
وده القلب اللي بيبقي جوه الكوسة ..سعات بنرميه او نعمله باللبن “الحليب” …تضربي الكوسهمع مقدار لبن كافي ليها في لخلاط وعليهم شوية فانيليا ..واضربهم كويس..وبعدين احطهم في حله ع النار لحد ما الكوسة تستوي ..وبعدين اطفي عليها واضيف السكر .وبالهنا والشفا

  

 
خلطة المحشي :_
اغسلي الرز وصفيه الماية كويس اوىى وبعدين قطعي عليه البصل وحطي عليه الزيت والملح والتوابل ..وقلبيهم كويس وبعدين اضيف عصير الطماطم واقلب وبعدين الخضرة واقلب وهتبقي جاهزة عندك وزي الفل ^_^


 
وهنا بعد ما حشيت جزء من لكوسة..بس خلي بالك وانتي بتحشي الكوسة متملهاش ع الاخر عشان الارز بينفش ياعني اسيب مسفه فاضية بمقاس عقلة صباع او اقل سنة


 
وهنا رصيته في الحلة ..برص الكوسة بطريقة معينة بالشكل ده والفلفل بوقفه بردوا بالشكل ده …اكون مسخنه الشوربة “بط -فراخ -لحمه” حسب اللي عندك وحطيها علي المحشي بس متخليش اشوربه تغطيه يدوب 3 ارباع الحلة”المحشي” وحطيه ع النار وسويه زي ارز عادي ..”لما تغلي مقدار الشوربه يقل ويبقي فاضل حبه صغيرين اوطي خاااااالص لحد ما يستوي :)


 
ودا الفلفل ..وبالهنا والشفا


About admin

Leave a Reply

Your email address will not be published. Required fields are marked *

*