Friday, December 15, 2017

طريقة عمل مكرونة بالبشاميل بالصور

مكرونة بالبشاميل يعني :_
لحمة مفرومة “عصاج”
صوص البشاميل
مكرونة قلم :)


 نحط البصل مع الزيت ع النار لحد ما يدبل



نحط اللحمة ونقلبها ونسيبها لحد ما تستوي ع نار هادية مش بتاخد وقت كتير وخصوصا لو لحمة صغيرة

  

 
اول ما تستوي وقبل م اطفي بدقايق احط التوابل”ملح -فلفل اسود-كمون -كزبرة ناشفة”


 
نصف كيلو لحمة مفرومه
3بصلات كبار او اربعه قطعين صغير ..ومفيش ممشكلة لو تحطي بصل اكتر من كده انا بحب اكترلها البصل بيدها طعم حلو اوىى غيرلو قللتي البصل
توابل ” ملح-فلفل اسود-كمون-كزبرة ناشفة
شوية زيت


 

البشاميل :_

كوب ونصف دقيق
كيلو ونصف لبن “حليب” ولو معندكيش لبن كفايه حطي مثلا كيلو لبن وكوب ماية تقريبا
معلقة كبيرة سمنة بلدي

فلفل اسود-كمون-ملح*الطريقة :_
هنحط السمنة ع النار لحد ما يستح وبعدين اضيف الدقيق واقلب وهدي النار عشان الدقيق ميتحرقش منك وبالتدريج هتلاقي الدقيق بياخد لون
..ومتحطيش اللبن “الحليب”ع طوول استني لغاية ما الدقيق اللون المطلوب
بعد ما الدقيق يوصل للون الدهبي اطفي النار وابتدي اضيف اللبن “الحليب” وقلبي باستخدام الشوكة او مضرب اليد ..ومتقلقيش خااالص لو كلكع معاكي بكل سهوله اضربيه في الخلاط ولو لاقيتي قوامه تقيل ضيفي شوية لبن او ماية وهتحصلي ع بشاميل كريمى بدوان اي كلكعه خااالص وتضيفي التوابل وهيبقي عندك بشاميل تحفة


 هنا معلقة كبيرة سمنة بلدي هحطها ع النار تسيح وبعدين اضيف الدقيق

 
هنا ضفت الدقيق وقلبته واهدي النار وهفضل اقلبه لجد ما يبقي لونه دهبي


 
شايفين هنا الدقيق بقي لونه دهبي ازاي لما يوصل للون ده ابعده من ع النار واضيف اللبن “الحليب” واقلب كويس اوىى بالمضرب اليدوي ..واضيف التوابل ملح-فلفل اسود-كمون- ولو لاقيتيه كلكع ولا يهمك خالص اضربيه في الخلاط حتي لو مكلكعش ولو لاقيتيه تقيل ع الخلاط ضيفي شوية حليب او ماية وقلبيهم بالملعقة…وهيبقي عندك صوص بشاميل رووووعه بجد وقوامه بيبقي كريمي غير لما تقلبيها بايدك من غير ما تضربيه


 
وهنا اضيف جزء من البشاميل ع مقدار المكرونة كلها



 واقلبها بالشكل ده…وده شكلها في الحلة اللي سلقتها فيها لسه محتطهاش ف صينية الفرن

 
وبعدين اخد نصف المكرونة في صينية الفرن


 
واضيف عليها نصف مقدار البشاميل


 
وبعدين هتحطي عليها اللحمه المفرومة “العصاج”


 
وبعدين حطيت عليها بقية المكرونة


 
وعليها بقية البشاميل


 
وبعدين بعد ما احط بقية البشاميل هخفق بيضة وعليها رشة ملح بكمون وفلفل اسود ..واحطها فوق الكريمة بالشكل ده


 
وادخلها الفرن ع درجة مرتفعه وده شكلها بعد ما خرجت من الفرن..وبالهنا والشفا


About admin

Leave a Reply

Your email address will not be published. Required fields are marked *

*