Wednesday, December 13, 2017

طريقة عمل التوست الفرنسي بالصور

المكونات
توست طازج

كوب كريمة خفق

2 بيضة 

2 ملعقة كبيرة سكر بودرة 

2 ملعقة كبيرة دقيق

2 باكو فانيليا 


اول شئ اقطع الحرف الناشف من جميع الجوانب  
 


وبعدين ابدأ أرص فى صينية ما تكونش عميقة .. انا استخدمت صينية البيتزا
  


اكرر التقطيع لغاية ما تتملا الصينية
  



الحروف اللى انا قطعتها باحتفظ بيها واسيبها فى الهواء شوية لغاية ما تنشف واطحنها واعملها بقسماط  
 
 


اجيب طبق عميق واحط فيه الكريمة والسكر والدقيق والفانيليا والبيض  
 


واخلطهم كويس بالويسك (مضرب البيض)
  


وبعدين اضيف الخليط على التوست واوزعه كويس فوقه
  


وادخله الثلاجة (انا عملته قبل ما انام وسبته ليلة كاملة فى الثلاجة علشان يتشرب كويس من الخليط)

وبعدين تانى يوم ابدأ اعمله ..

اجيب طاسة تيفال واحط فيها نقطة زيت (مش عايزة زيت كتير) حاجة بسيطة جدا

وعلى نار هادية

ارص التوست فى الطاسة 


واحمره من الجانبين بالشكل ده  
 


ويكون عندى طبق فيه سكر سنترفيش وعليه قرفة  
 


واخلطهم كويس

واول ما يطلع التوست احطه فى السكر والقرفة علشان يلتصق فيه  


واقدمه مع عسل النحل (ارش عليه عسل نحل وقرفة)
  


بجد احلا واطعم حلا راح تدوقوه (انا اعشقه)

ومافيش حد هايكتشف انه توست .. كل اللى قدمته لهم ما عرفوا انه مجرد توست

وبالهنا ..

وهنا تقديمة لمن ترغب مشاركتى 

About admin

Leave a Reply

Your email address will not be published. Required fields are marked *

*