Tuesday, November 21, 2017

طريقة عمل طاجن سي فود بالصور

المكونات
1/2 ك جمبري صغير متقشر ومتنضف من كيس الرمل اللى في ضهره
1/2 ك كاليماري متقطع مربعات ومنقوع فى مية بخل لمدة ساعة
1/2 ك سمك فليه هامور متقطع مربعات اكبر شوية من مربعات الكاليماري علشان ميتهريش




بصل متقطع مربعات
فلفل متقطع مربعات وهنا حطيت فلفلاية رومي وفلفلاية شطة مولعه 😀
معلقتين بقدونس متقطع صغير
معلقتين كرفس متقطع صغير

  



حوالى كوباية ونص مية ومدوبة فيهم معلقتين صلصة
بي هنا الكوبايه عندى كبيرة بحجم كوب ونص تقريباً

  



بهاراات ( ملح – فلفل أسود – كسبرة – كمون – بصل – ثوم )




الطريقة :-
نشوح البصل فى زيت او سمنه ونحط فوقه التوم ونسيبهم يتشوحوا دقايق




وبعدين نضيف الكرفس ونقلب دقايق




وهنا نزلت بـ فواكه البحر ونقلب شوية لحد ماينزوا ميتهم


 
ونزلت بالفلفل المقطع و البقدونس والبهارات وفضلت اققلب لحد ماكلهم اتشوحوا شوية حلويين




وبعدين نحط كوباية المية المخففه بالصلصة و ننقل كل اللى عملناه فى طاجن وياسلام لو كان فخار هيكون رهيب




ونغطيه بورق فويل وندخله الفرن على درجة حرارة متوسطه لمدة 45 دقيقة
وبعدين نشل ورق الفويل ونحط الطاجن ربع ساعة تحت الشواية




ويقدم مع الأرز الأبيض وبالهنا والشفا


About admin

Leave a Reply

Your email address will not be published. Required fields are marked *

*