Friday, October 20, 2017

طريقة عمل كاليماري محشي بالصور

كاليماري محشي
تابعوا الطريقة بالخطوات المصورة ………….


نبدأ بالمقادير
1 كيلو كاليماري متنضف كويس ومقوع فى مية ومعلقة خل و ليمون لمدة ساعة


رز بالطماطم والخضرة والبصل زي بتاع المحشي بالظبط
  



جمبري متقشر و متقطع قطع صغيرة

  



اول حاجه هنضيف الجمبري على الرز ونقلبهم

  



وبعدين نحشي الكاليماري بالرز وياريت منكدسهاش رز خليها مهوية شوية
زي الممبار بالظبط
 



وبعدين نحشي الكاليماري بالرز وياريت منكدسهاش رز خليها مهوية شوية
زي الممبار بالظبط
 



ونجهز حلة مية على النار متقطع فيها بصلة وبهارات وياسلام لو عندك بهارات سمك بئا
واااو عل الريحة
المهم بعد ماالمية تغلى نسقط الكاليماري واحده واحده فى المية ونسيهم يستوا نص ساعة تقريباً

  



لحد ماالكاليماري يستوى نجهز الخلطة اللى هتتحط عليه
ومكوناتها :-
طماطم مقطعه مكعبات
فلفل مقطع صغير
معلقتين بقدونس مفروم
5 فصوص ثوم

  



بهارات ( ملح – فلفل أسود – كسبرة – كمون – ثوم – بصل )
كوباية ميه مدوبة فيهم معلقتين صلصة
 



نشوح التوم مع الفلفل فى زيت او سمنة

  



نضيف ليهم الطماطم والبقدونس المفروم

  



وبعدين كوب المية المخفف بالصلصة والبهارات
ونسيبهم يستووا كويس لحد مايتقلوا

  



دا الكااليماري بعد مااستوى وصفيته فى مصفاه ورصيته فى بيركس

  



حطيت فوقه الخلطه اللى عملتها ودخلتها الفرن تلت ساعه وعشر دقايق تحت الشواية

  



ودا شكله بعد ماطلعته من الفرن والطعم كان امممممممممممم
اكتر من رائع الصراحة مكنتش مختيله انه جميل كده
بيتقطع حلقات كده بالسكينة وبيترص فى طبق التقديم بطريقة شيك موت بس للأسف مصورتش طبق التقديم
وبالهنا والشفا

  

About admin

Leave a Reply

Your email address will not be published. Required fields are marked *

*