Saturday, September 23, 2017

طريقة عمل فتة بالشاورما والثومية لبيرو بالصور

فتة بالشاورما والثومية لبيرو

الفتة دى انا أكلتها بمطعم شامى فى القاهرة .. وفضلت وراها بعد 3 تجارب لغاية ما وصلت لنفس الطعم ..


أول حاجة علشان الشاورما (ممكن تستخدمى فراخ او لحم)
انا استخدمت فراخ

نصف كيلو صدور فراخ مقطعة شرائح رفيعة

 

بصلة كبيرة مقطعة شرائح

 

كوب خل أبيض (أو ما يغطى الفراخ)

 

ملح وفلفل اسود

فى طبق عميق نضع الفراخ وعليها شرائح البصل ونغطيها بالخل وملح وفلفل

ونقلب كويس

ونغطيها ونسيبها فى الثلاجة من الليل .. وثانى يوم نطلع الفراخ فى طاسة من غير أى مواد دهنية .. ونصفيها كويس من الخل

ونقلبها على نار هادية لغاية ما تنزل كل السوائل اللى فيها وتشربها تانى وتنشف شوية بالشكل ده

ونجهز حبة طماطم وحبة فلفل أخضر

ونضيفهم على الشاورما اول ما تستوى

وكدة الشاورما خلصت

 

ونجيب عيش شامى ونقطعه مكعبات وفى ملعقة من السمن نحمره على النار

وللثومية

علبة زبادى – ملعقة كبيرة مايونيز – ملح – ثوم بودر

اخلط المقادير مع بعض وبكدة جهزت الثومية

 

وأكون مجهزة أرز بسمتى بالطريقة العادية وبإضافة الكارى

 

وأجهز طبق الفتة

 

أول حاجة العيش الشامى المحمر

وبعدين الأرز بالكارى

وبعدين الشاورما

وأجيب ورقة خبز وأعملها قرطاس .. واملاها بالثومية ..

وأرشها على الفتة رايح جاى بالشكل ده

زوووووم

وزينتها ببعض قطع العيش الشامى

About admin

Leave a Reply

Your email address will not be published. Required fields are marked *

*