Saturday, November 25, 2017

طريقة عمل المعمول بحشوه العجوه بالصور

حستخدم اكواب القياس او الاكواب المعيارية لكن ممكن تستخدمي كوباية الماية العادي بشرط تبقى نفس مقاس الكباية لقياس كل المقادير .

 



المقادير :
250 جرام زبدة (كوب وربع)
1/2 كوب سكر بودرة
1/4 2 كوب دقيق فاخر منخول
1 معلقة صغيرة باكنج باودر

المكونات الاضافية :
رشة ملح
وللنكهة 1/2 ملعقة صغيرة من الفانيليا
وحنلاظ فوق في ورقة الدورة مكتوب حليب سائل 1/4 كوب ممكن ما نستخدموش غير لو كانت العجينة مفرولة شوية ويادوب شوية علشان زيادة بتخلي المعمول ناشف جدا




وللحشو :
وحنحتاج تمر او عجوة منزوعة النوة . وحنضيف عليها شوية زبدة طرية ورشة قرفة ورشة فانيليا ونعجن العجوة كويس علشان المكونات تندمج مع بعض وبتكون الحشوة رائعة فوق الوصف يا فتوكات عن تجربة والكل بيسألني عن سر العجوة الجميل

 




وحنعمولها كور صغيرة بالصورة دي وحنخليها على جنب

 


وللتشكيل المعمول حنحتاج للقوالب المعمول ده شكل القوالب الي نازلة جديد بلاستك وفيها اكتر من شكل . بس القديمة الاصلية بتكون خشب وفيه موديل واحد بس


نحط الزبدة الطرية الباردة في وعاء مع السكر البودرة ونبدأ نخفقهم

 

في معظم البسكويتاتا يفضل استخدام الزبدة الطرية البادرة مش الطرية الي سايحة أقوي لضمان نتيجة رائعة وطعم مميز بصو هنا الزبدة توزعت بس مفرولة لو كانت الزبدة طرية كانت دوبت السكر ودي تكه مهمة .

 

ومع الخفق بدأت الزبدة نتدمج مع السكر

 

هنا مع الخفق المستمر بقت زي الكريمة

 


حنضيف كمية الدقيق كلها ونبدأ نعجن بإدينا

 

بصو هنا في البداية بقت العجينة مفرولة بس متماسكة وبتفرول بسهولة يعني ما تعجنتش بسرعة وده علشان الزبدة لسه باردة بس طرية


خدت العجينة على رخامة وعجنتها ودعتها كتير لحد ما بقت طريقة وجميلة جدا وملمسها ناعم

 

وهنا لما لمتها وبقت كورة لاحظوا

 

 

وهنا للتوضيع بصو كورة ال عجينة جميلة ازاي 


بصراحة بحب أنظم خطواتي وبعد ما بعجن العجينة وبخلصها على طول في لحظتها بعملها كور وحطها في طبق بالصوره دي


تشكيل المعمول :
حنحتاج إلى العجين الي عملناها كور , وقالب التشكيل , وللحشو العجوة الي جهزناها , ودقيق علشان نرش شوية في القالب , وصواني نرص فيها



نختار اي شكل من القوالب ونرش شوية دقيق بالصوره دي


وناخد كورة عجينة ونفردها بإدينا على شكل دائرة ونحط في النص كورة عجوة بالصورة دي


نقفل الكورة المحشية كويس جدا ونحطها في القالب المرشوش بالدقيق ونخط عليها ومش حنخاف انها لزقت علشان رشينا الدقيق في القالب.


وحنخبط حرف القالب وحتنزل متزوقة وجميلة حسب شكل القالب الي اخترناه


وهنا صور للصينية اول ما خلصتها


والمقدار ده حيديكي 22 معمول حجم وسط زي بتاعي او 15 حجم كبير .


خبز المعمول :-

والمعمول بيتخبز على حرارة هادية حوالي 130 ونحط الصاج في الرف من تحت وحياخذ 10 دقايق وبعد كده نحمر الوش علشان يبقى دهبي أسيبكم مع الصور

About admin

Leave a Reply

Your email address will not be published. Required fields are marked *

*