Friday, October 20, 2017

طريقة عمل الملوخية الخضراء بالصور

نص كيلو مغسوله كويس ..
وفردتها على صينيه وقماشه علشان تنشف برحتها …
 


طبعااْ مفيش اجمل من المخرطه ..

 كوبايتين شوربه بتغلى ..

وحطيت فيهم معلقه صغيره توم مفروم و معلقه صغيره كسبره ناشفه و ناعمه و مكعب مرقه و نص معلقه صغيره سكر ..
ونسيبهم يغلوا مع بعض كويس …

 



ننــزل عليهم الملوخــيه المخروطه على الشوربه ..
ونقلب بسرعه ونهدى النار علشان تفك من بعضها ..
وبعدين نعلى النار تغلى فى الشوربه غلوه واحده …
وبعدين نطفى النار …
 

 

 

طاسه فيها معلقه كبيره سمنه ..

و نحط عليها معــلقه كبيره توم مفروم + معلقه كسبره ناشفه ناعمه ..
نحمرها يبقى لونها دهبى …


و بعدين تنزل على الملوخيه …
تتتتششششششششششششششش
وبالطاسه نغطي الحله لمده دقيقه واحده علشان الريحه تدخل للملوخيه …
ونكشف عليها تانى ..

 

نغرف احلى طبق ملوخيه ….


بألف هنا و شفا ..

About admin

Leave a Reply

Your email address will not be published. Required fields are marked *

*