Tuesday, September 26, 2017

طريقة عمل الكوارع بالصور

هنا طريقتين سهلين خالص عشان فيه ناس بتحس انها صعبه …
نبدأ على طول..
المقادير:
1 كارع حسب النوع المفضل مقطع ومغسول كويس جدا
وللسلق حنحتاج

ماء….
بوكيه جارنيه عباره عن:((بصله_لورا_حبهان_فلفل أسمر مجروش خشن_عود قرفه خشب_عود نعناع جاف))
وملح بنضيفه بعد ماندخل فى السوا بنسبه 50%

ولعمل الدمعه (الصلصه):
2 فص توم
1 معلقه زيت دره
1 كوب عصير طماطم
(ملح وفلفل وكمون

 





نحط حله على النار وفيها الميه واول ماتغلى احط كل البوكيه جارنيه بتاعى ماعدا الملح
وبعد كده احط الكوارع اللى انا مجهزاها واستنى لما تغلى كويس اهدى النار وأسيبها لحد ماتاخد وقتها فى التسويه … وده بيرجع لعمر الدبيحه اللى واخدين منها الكارع….
بعد ماتدخل فى السوا شويه احط الملح وانا مش بحطه فى الأول عشان الكارع ما ياخدش وقت فى السوا….. — 



بعد ما تستوى الكوارع طبعا ممكن نقدمها مع الفته اللى أكيد بنعملها بشوربه الكوارع

وممكن نقدمها مسلوقه مع الشوربه ومعاها طبق رز اى نوع مفضل لينا

 



وممكن كمان بالطريقه التانيه اللى انا جايباها النهارده بس فى الحاله دى حسوى الكوارع بنسبه 80% بس فى الشوربه وأطلعها عشان تكمل سواها فى الصلصه….

وأدى الطريقه:
حله على النار وفيها معلقه الزيت
بفرم التوم كويس وبحطه على الزيت

 



واول ما يصفر انزل بعصير الطماطم وعليه الملح والفلفل والكمون 




اول ما يغلى الخليط كويس بحط فيه الكوارع وممكن نزود نص كوبايه شوربه من اللى سلقنا فيها الكوارع…
بسيبها لحد ماتستوى تمام وأطلعها وأقدمها مع طبق رز حبايه وحبايه بتبقى رووووووووووووعه

((وعلى فكره ممكن كمان نحطها فى طاجن وندخلها الفرن تكمل سواها فيه……برضه بتتطلع جميله))

 



ده شكلها وهيا مسلوقه مع الشوربه عليها رشه فلفل اسمر 




ودى اللى مع صوص الطماطم بالهنا والشفا 


About admin

Leave a Reply

Your email address will not be published. Required fields are marked *

*