Thursday, September 21, 2017

طريقة عمل كـيـكـة قدرة قادر بالصور

كـــيـكـة قــدرة قــادر
****************
الـــمــقـاديـــر :
اولامقادير الكريم كراميل …
2 كوب لبن كامل الدسم + معلقتين قشطه لبن او كريمه

3 بيضه + صفار بيضه لو بيض احمر + فانيليا كتيييير او اى منكهات علشان الزفاره انا هنا استخدمت قشر البرتقال المطحون مع كيس فانيليا
((لو بيض بلدى يبقى 4 بيضات كاملين ))
4 معلقه كبيره سكر للكريم
الــكرامـيـل
********** كــــوب ســــكـر

مــقــاديــر الـــكــيــكـة
******************
1 كوب دقيق + 2 معلقه
معلقه كبيره بكنج بودر + معلقه صغيره بيكربونات الصوديوم ( بيكربوناتو ) + رشه صغيره ملح
2 معلقه صغيره كاكاو مر
1/2 كــوب ســكـر
2 بــيــضـه + فانيليا أو قشربرتقال او قشر ليمون
1/2 كوب لبن
1/2 كوب صغير لبن
1/2 كوب صغير زيــت
الـــطـريــقـه
*********
تــابـعــوا الــــصـور

 



هنا كوب السكر حطيته فى طاسه لحد ما اتكرمل وبقى بالشكل ده لونه دهبى غامق بس مش محروووق علشان ميمررش



ay 9 


نحضر الكريم ::
نحط اللبن يغلى على النار و معاه القشده ولما يغلى نحط عليه السكر وده حسب الرغبه تزودى او تنقصى على حسب ما تحبى انا حطيت 4 معالق كبيره كان مظبوووط
وفى طبق عميق نحط 3 البيضات + صفار و بالمضرب الكهربى نخلط كويس بس مايعملش مارنج يدوب يتخلط كويس وعليه الفانيليا او اى منكهه تحبيه ممكن بشر قشر ليمونه بيبقى تحففففه انا حطيت معلقه قشر برتقال مجفف رووووعه فى الريحه
ولما اللبن يغلى نحط شويه منه على البيض ونضرب بسرعه بالمضرب وبعدين نضيف باقى اللبن المغلى على البيض ونقلب وبكده البيض ميستويش يبقى سائل فى اللبن
و نيجى للقوالب نحط فى كل قالب شويه ميه ساقعه وبسرعه نفضيه بس علشان نتأكد انه يبقى صلب و ميسحش لما نحط الخليط الكريم ونملى تقريبااْ 1/3 القالب




نــحـضـر الكيك :
*************
فى بوله عميقه نحط البيض مع السكر ونضربهم كويس بالمضرب الكهربى و بعدين نضيف الزيت ونضرب واللبن ونضرب كويس ونحط الفانيليا او بشر البرتقال او بشر الليمون
وننخل الدقيق و كل المكونات الجافه مع بعض
وننزل بيها على خليط البيض ونخلط بالمضرب على سرعه هاديه
هتبقى بالشكل ده …



هنضيف خليط الكيكه فوق الكريم كراميل بالراحه خالص علشان ميندمجوش مع بعض
زى ما انتم شايفييين …
ونرص القوالب فى صينيه انا حطيتهم فى قارب بيركس
ونزود القارب ميه تكون سخنه لسرعة النضج تكون لنص القوالب مش اقل من كده
ونكون مسخننين الفرن على 180 درجه

هيدخل لمدة ساعه :: لساعه و ربع
وبعدين هنلاقى الكيكه
طلعت على الوش بـــقــدرة قــــــادر والـــــكــريــم كـــرامــيـل نــزل لـــتـــحـت ..
نختبر السوا بعود استكس لو طلع نضيف يبقى تماام ولو لسه سبيها شويه كمان .. لكن مبتاخدش اكتر من ساعه ان شاء الله

 



وده هــنـا بعد ما استوى بس انا انشغلت بتليفون ونسيته شويه
علشان كده وشه نشف سنه صغيره ..
لكن طلع طعمه تحفففففففففه ..
لازم يبرد خالص وبعدين يدخل التلاجه لمدة 4 ساعات على الاقل علشان نقدر نقلبه …



وبعد ما يسقع
نحط القالب على عين البوتاجاز الصغيره خالص وتكون نار هاديه نحطه لمده دقيقه اول ما نحطه هنسمع تكتكتكتكتك صوت الكراميل وهو بيسيح
وبعدين نسلكه بسكينه رفيعه من الجوانب لتحت علشان لما نقلبه ينزل كامل مش يكون ماسك بالقالب ..
زى ما انتم شايفين بالصوره ….
ايه رأيكم يا حــــــلــويـن ….
 


وده القالب الكبييير
وهنا عملت معاه عصير فراوله وقطعت معاه خووخ و فراوله
ايـــه رأيـــــكــم ..
 

About admin

Leave a Reply

Your email address will not be published. Required fields are marked *

*