Sunday, October 22, 2017

طريقة عمل المطبق بالصور

العجينه :~

3 كاسات دقيق استخدمت الكويتي 

3 ملاعق زيت 

3\4 الكاس ماء حار 

نص ملعقه ملح 

[ في الوصفه ملعقة كبيره خل ,, انا جربتها قبل لكن حسيت انها غيرت شوي بطعم العجينه

لكن قرمشتها حلوه عشان كذا ما اضفتها هالمره 

 ]

نحط المقادير بالعجانه ونعجن لين نحصل على عجينه متماسكه ولينه وناعمه

[ طولي وانتي تعجنين امكن 5دقائق او اكثر شوي لين تشوفينها سهل مطها ]

انا قسمتها 3 كور يعني كل كاسه كوره ودهنتها بالزيت وغطيتها وتركتها لمدة 3 ساعات ..
هنا شكلها بعد مرور الـ 3 ساعات 



نجهز الحشوة:

عاد انتي وراحتك ووش تفضل اسرتك ,, انا استخدمت الحشوة المعتاده لحم مفروم مستوي مع بصل || كراث مغسول زين ومفروم || حبة طماطم صغيره مقطعه ||حبة بيضه || ملح وفلفل اسود وشوي كمون 



نرجع لعجينتنا وناخذ كوره ونقسمها 2 كل كوره تسوي لك قرص مطبق 
يعني لو سويتها كلها راح تحصلين على 6 اقراص للمطبق 



نجي لحبيبتي ورفيقتي في رمضان مكينة الفرد ونبدا نفرد العجينه بعد ما فردتها خفيف على الطاوله 

ونبدأ من رقم 1 الى رقم 8 



الى ان تحصلي على عجينه رقيقه وشبه شفافه 
ويكون طولها تقريبا متر ( ما قستها لكن بالنظر  صارت وش طولها )

 

 نقص الزوائد اللي مو مستويه مع الاطراف 


ونقسم العجينه الى قسمين ونحطهم على بعض بشكل +


نخلط الحشوه [ الله يجزاها ارتوس بالخير كنت قبل اضيف البيض في البدايه لكن بعد نصيحتها صرت ما احط البيض الا قبل ما احشي المطبق عشان ما يصير سائل البيض فديت قلبها ]
نفرد الحشوه ونساويها على في المربع الوسط 


نبدأ نطبق الاطراف ناخذ الطرف اللي تحت من اليمين ونطبقها مع الايسر 


ونكمل تطبيق الاطراف العلوي والسفلي وتتسكر زين 




بعد ما جهزنا المطبق وننقله الى صاج او تاوه فيها ملعقتين زيت وسهل نقله شيليه بهدوء 

وهو مافي احلى منه لا يتمطط ولا يتفكك ما شاء الله 



بعد ما جهزنا المطبق وننقله الى صاج او تاوه فيها ملعقتين زيت وسهل نقله شيليه بهدوء 

وهو مافي احلى منه لا يتمطط ولا يتفكك ما شاء الله 

 


زي كذا لونه حلو 


بعدين نقلبه على الوجه الثاني 

ونتركه لين يستوي ويتحمر وبعد كذا نقطعه كل قرص يعطيك 4 مربعات ونقدمه مع الليمون  



عاد مو قلت لكم انه يسوي 6 اقراص كبيره انا سويت لنا قرصين والحمد لله كفى وشبعنا وزاد من العجينه 


قمت فردتها الى رقم 9 وقصصتها الى مستطيلات مثل الرقاق العادي وحشيتها وقليتها 

لذيذه وهشه ومو شاربه زيت 

 

 

About admin

Leave a Reply

Your email address will not be published. Required fields are marked *

*