Tuesday, November 21, 2017

طريقة عمل بيتزا بالصور

الــمـكـونـــااات :
3 1/2 كوب دقيق ( نص كيلو تقريبااْ )
1/4كوب زيت زيتون + معلقتين كبار سكر + معلقتين كبار زعتر + معلقه كبيره خميره فوريه + 1/2 معلقه ملح + بيضه + كوب ميه دافىء
الـصـلـصـه :؛

2 طمطمايه + بصله سغنونه خالص + فصين توم + معلقتين زيت + زعتر ناعم …
الــــتـوبـــنــج :؛
زيتون اسود وزيتون اخضر + مشروم + فرانكفورتر بيف + طماطم + فلفل اخضر + جبنه رومى + جبنه موتزاريلاااا + جبنه بيضه بالزعتر والطماطم و زيت الزيتون

 

الــــــطــريـــــقـه ؛؛
نحط معلقه كبيره خميره + معلقه كبيره سكر + معلقتين ميه فى كوب ونقلبهم ونغطيهم علشان يخمروا كويس ..
ونحط بطبق عميق الدقيق وعليه معلقه السكر وعليه الملح والزعتر ونقلبهم مع بعض كويس
وبعدين نحط الزيت ونقلب هتكون مفروله نحط البيضه ونعجن كويس وبعدين نحط الخميره بعد ماتكون عليت وفاااارت ونعجن ونزود الميه شويه شويه لما يتلم العجين خالص ويبقى ناعم واهم حاجه لاازم يتعجن كويس

 

وبعد كده نعملها كوره ونمسحها بالزيت ونغطيها ببلاستيك وعليه فوطه نضيفه ونحط الطبق بمكان دافىء علشان تخمر كويس
وفى الوقت ده نجهز الصلصه :
نقطه البصله الصغنونه بطاسه ونشوحها بمعلقتين زيت وعليها فصين توم ناعم ونشوحهم كويس جداا وبعدين ننزل عليهم بالطماطم المتقطعه ومقشره وعليهم معلقتين زعتر ناعم وملح خفيف وفلفل اسود ونسيبهم يتسبكوا مع بعض وبعد كده نضربهم بالخلاط كويس تبقى صلصه ناعمه قووى ..
بعد ساعه هنلاقى العجينه خمرت جداااْ وعليت نجهز الصوانى ونفرد جزء من العجينه فى الصينيه بارتفاع 1 سم وندهن الوش صلصه من ال احنا جهزناها وممكن تضيفى عليها شويه كاتشاب وصوص حار
ونحط عليهم المكونات ال احنا مجهزنها
الاول طبقه خفيفه جبنه موتزاريلا و بعدين الخضار والمشروم وعليهم جبنه موتزاريلاا فى الاخر وبعدين نسيبهم يخمروا تانى مده 1/2 ساعه ويدخل الفرن حامى جداااْ 200 درجه لمده 1/ 2 ساعه او لما القعر يحمر والوش كل الجبنه تسيح عليه ..
والف هنا وشفااا عليكم

 

العجين بعد ساعتيين … علشان النور اتقطع فخمر قووووووووووووووووى
تضاعف حجمه 3 اضعاااااف وكان هش جدااااْ .. جدااااااْ …



 


بعد مافردت العجينه وحطيت الصلصه والتوبنج عليها ..



مينى بيتزاا وساندويتش بيتزااا …
عليهم نفس المكونات والساندويتش الحشو من نفس المكونااات برده … ودهنت الوش بيضه بشويه لبن …
 



بعد ما استواا 

About admin

Leave a Reply

Your email address will not be published. Required fields are marked *

*