Tuesday, September 26, 2017

طريقة عمل ميني اكلير بالصور

مينى اكلير **
***
المقادير
*****
400 مل ماء +معلقة كبيرة ملح +2 معلقة كبيرة سكر +160جرام زبدة +320جرام دقيق +6 بيضات كبيرة +فانيليا
على فكرة الماء بنعايرة بمكيال خاص للسوائل ولو مفيش عندك ممكن ببرونة طفلك لو عندك وهتلاقوا صورة انا حطاها للمكيال تحت
الطريقة*
****
الاول نحط الماء +الزبدة والسكر والملح على النار

 


وبعدين اول لما يغلى بالشكل دة
  


نضيف الدقيق دفعة واحدة


ونقلب حتى يصبح كتلة واحدة


نسيبة يبرد شوية وبعدين نغطية و نحطة فى الثلاجة حتى يبرد وبعدين الافضل يستخدم مضرب كهربائى او فودبروسسر للحصول على نتيجة احسن عند اضافة البيض نبدا نضيف بيضة بيضة حتى تختفى ونضيف التانية


على فكرة ممكن العجينة ما تحتاج كل كمية البيضعموما شكلها بيكون زى الصورة كدة ولو رفعتيها لفوق تعمل شكل المنقار


نجيب ماكينة البيتيفور ونخلى القمع سادة ونملها بالعجين


نجيب صينية ونحط فيها ورق زبدة ونبدا بالتشكيل ممكن دوائر وممكن اصابع الحجم اللى انتم عايزينة بس هنا انا عملتة صغير
ودة شكلة قبل دخولة الفرن


ندخلة الفرن على درجة حرارة عالية حوالى نصف ساعة وبعدين نخفض الحرارة خالص علشان ينشف ويكون هوائى ودة شكلة بعد ما استوى


طريقة الكريم باستير
كوب ونصف حليب على النار يغلى

 




وفى الخلاط نحط نصف كوب حليب و4ملاعق كبيرة دقيق و3ملاعق كبيرة سكر وبيضة وفانيليا ويخلطوا جيدا واول لما اللبن الى على النار يغلى نضيف الخليط دة ونقلب كويس

 


ونحطة فى وعاء اخر ونغطى وجهة بالنايلون مباشرة ويترك يبرد او يوضع فى التلاجة لحين استخدامة


دة مكيال السوائل


ودة شكلة النهائى


نحشية بالكريم شانتى او بالكريم باستيراما بالمحقن او نفتحة نصفين بالسكين ويزين بالشيكولاتة ويقدم بالهنا

About admin

Leave a Reply

Your email address will not be published. Required fields are marked *

*