Friday, October 20, 2017

طريقة عمل تورتة الكنافة بالمانجو والكريم بالصور

هنا نجيب حوالى نصف كيلو كنافة ونحط عليها 2 معلقة كبيرة سكر بودرة وحواى 6 معالق سمنة سايحة نفركهم كويس باطراف الاصابع


هنا نحيب 2 صينية قصيرة الحافة قد بعض بالضبط




نقسم كمية الكنافة على الصنيتين بالتساوى وندكها كويس يعنى نضغط عليها كويس باليد وندخلها الفرن

 


هنا نجهز الكريم باتسير
المقادير
2كوب حليب *بيضة *فانيليا *4معالق سكر كبيرة **5 معالق كبيرة دقيق

قى وعاء الخلاط نحط كل المقادير ما عدا الحليب نحط منة نصف كوب بس فى الخلاط مع باقى المقادير ونخلطة جيدا لنحصل على هذا الشكل

 


هنا نضيف باقى الحليب اللى هوة كوب ونصف فى حلة على النار ونسيبها تغلى


لما يغلى نبدا نضيف الخلطة اللى عملاناها فى الخلاط علية مع التقليب المستمر




الى ان يغلظ قوامة ويكون عامل زى المهلبية بهذا الشكل ودى اسهل طريقة للكريم باتسير


وهنا نغطية بكيس نايلون ونسيبة يبرد وممكن نحطة فى التلاجة شوية تبرد


 

ودة شكل الكنافة بعد ما استوت اول ما تطلع نسقيها بالشربات (الشيرة)
مقاديرها 2كوب سكر عليهم كوب ماء وعصير نصف ليمونة ونحطهم على النار يغلو الى ان يتقل شوية



وهنا نبدا فى تطبيق تورتة الكنافة
نحضر طبق التقديم ونضع فية اول صينية من الكنافة بهذا الشكل

 


ثم نضع الكريمة نسيب منها بس حاجة بسيطة للوجة


نفرد الكريمة بهذا الشكل


ثم نضع الطبقة التانية من الكنافة ونضع فوقها باقى الكريمة


ثم نكون محضرين كمية مقطعة من المانجو ونفردها بهذا الشكل ونرش عليها قليل من الشيرة علشان تمسك فيها وتلمع


ودة شكلها النهائى وبالهنا

About admin

Leave a Reply

Your email address will not be published. Required fields are marked *

*