Monday, November 20, 2017

طريقة عمل حمام محشي بالصور

يمكن تكون طريقة الحمام دى مختلفة شوية بس طعمها حلو
انا بحب احشية رز مع لحم مفرومة وخلطة كدة هاقولكم عليها وفى ناس بتحط الكبد والقوانص بس باللحمة احلى
المقدار دة لحشو4 حمامات
300جرام لحمة +بصلة كبيرة مقطعة ومعلقة سمنة نشوح اللحمة مع البصل وطبعا ملح وفلفل اسمر وبعدين نضيف طماطماية مقطعة مكعبات ونقلب


وبعدين نضيف شوية مية علسان اللحمة تستوى
  



ولما تستوى وتنشف خالص نحضر كوب رز زى كوباية الشاى كدة ويغسل جيدا وعلى فكرة انا مش بنقع الرز ورغم كدة بيستوى كويس جدا ونقطع بقدونس مفرومة ونضيفهم على خلطة اللحمة بهذا الشكل وطبعا نزود فلفل وملح حسب الرغبة

 

نجيب الحمام ويكون متنظف كويس


نبدا نملاة من جوة كدة


بيبقى دة شكلة



وبعدين بين الجلد واللحم نملى حشو كمان بشرط مانكبسهاش قوى وكمان حولين الرقبة نملى حشو

 


بيكون شكلها كدة مليانة بس برضة ما تكبسوش قوى علشان التسوية وبعدين نقفل الفتحات دى انا بحب اخيطها ولما تستوى اشد الخيط احسن من الخلة


دة الشكل النهائى بعد حشو الحمام


نكون محظرين حلة على النار فيها ماء بيغلى نضيف للماء بصلة و2 فص حبهان ومستكة وورقة لورة ومكعب ماجى وملح ونضع الحمام فيها علشان يتسلق ويستوى




وبعد ما يستوى نشيلة من المية فية ناس بتحطة فى الفرن بس انا محمراة فى سمنةوبعدين بشد الخيط وبالهنا

 

About admin

Leave a Reply

Your email address will not be published. Required fields are marked *

*