Friday, December 15, 2017

طريقة عمل السمان المشوي بالزعتر والعسل بالصور

نبذه عن السمان او طائر السلوى كما ذكر فى القران

يشبه الحمام الى حد ما ولكن عظامه قاسيه لأنه يطير كثيرا وفى ظروف صعبه ولذلك عظامه تختلف عن عظام الحمام
لحمه ابيض ومن فوائده انه يساعد فى تفتيت الحصوات ويدر البول ويساعد فى التخفيف من الم المفاصل

المقادير

سمان اى عدد انا استخدمت 6 وحدات – 3 بصل مفروم فى الكبه فرم خشن
ملعقه صغيرة معجون طماطم – فلفل أسود ملح رشه نعناع وملعقه كبيره زعتر ناشف – ملعقه كبيره عسل نحل
الطريقه

اولا نفتح السمان من الضهر بهذا الشكل

ينقع فى دقيق ويشطف وينقع مره اخرى فى ماء و خل ابيض

يشطف ويصفى جيدا

نحضر الخلطه
نفرم البصل فى الكبه بدون باقى الاضافات ويكون فرم خشن
وفى طبق نضع البصل والتوابل والزعتر والعسل ومعجون الطماطم

هنا التتبيله جاهزه
نحضر الكيس الحرارى الى حيدخل الفرن ونضع جزء من التتبيله تحت وفوقها السمان وباقى التتبيله فوقه
كما هو مبين فى الصور

نضع كيس السمان فى صينيه بدون ماء ولا اى اضافات وفى الفرن على درجه 180 لمده ساعه وربع تقريبا

وهنا بعد ما اتحمر واستوى

فتحت الكيس ووضعت السمان تحت الشوايه لزياده التحمير ودى النتيجه يارب يعجبكم

ملحوظه

الصوص اللى نزل من السمان فى الكيس كان تقيل لان فيه بصل وضعته فى طاسه واضفت عليه 3 معالق معجون طماطم
وزودت توابل وعملت احلى صلصه للمكرونه وكان طعمها يجنن جربوها مش حتندموا ان شاء الله

About admin

Leave a Reply

Your email address will not be published. Required fields are marked *

*