Tuesday, September 26, 2017

طريقة عمل الارز بالبشاميل بالصور

المقادير :
ارز حسب الكميه اللى عاوزاها
لحم مفروم
فلفل الوان احمر واصفر مقطع مربعات صغيره
خضرا ( كزبره و بقدونس وعود شبت )
صلصه بشاميل بس مش تكون تقيله ولا سميكه لا اخف شويه
جبن للتزيين
ملح وفلفل وكارى

الطريقه :
اللحمه :
انا اللحمه عندى كانت معصجه جاهزه و خررجتها من الفريزر
جبت الفلفل الالوان حطيته ع النار مع شويه زبده لحد ما طرى شويه بعدين ضفت عليه اللحمه بعدين الخضرا
لو اللحمه مش جاهزه هاتى بصله مفروم لحد مايصفر وبعدين حطى عليه الفلفل يدبل بعدين اللحمه والتوابل المعتاده بتاعتك بعدين الخضرا ف الاخر خالص
وده شكلها


الأرز :
بعدين غسلت الارز و حطيت زبده على ملعقتين زيت و حطيت الكارى والارز وعليه الميا وملح وفلفل ابيض و سيبته يغلى وطيت عليه من غير ما اغطى فضلت اقلب لحد ما شرب الميا بتاعته شويه
زودت ميا نص كوب تقريبا وقفلت عليه عشان يكمل تسويه ف الفرن

هو المفروض لونه اصفر شويه بس اللون مش ظاهر ف التصوير


البشاميل :

ف الخلاط حطيت اللبن على الدقيق ومعاهم مكعب ماجى
و بعدين حطيت زبده ع النار و حطيت عليهم الخليط و قلبت بالمضرب وحطيت ملح وفلفل ابيض
وزى ما اتفقنا مش عاوزينه تقيل اوى وسميك
لا متوسط مايل للخفيف بس مش اوى



هنا دهنت الصينيه زيت خفيف و حطيت طبقه ارز وبعدين طبقه لحمه و بعدها طبقه بشاميل خفيفه مش كتير
بعدين ارز تانى و بعدها بشاميل وفوق الجبنه ع الوش




دخلتها ف الفرن ووطيت عليها عشان الارز يستوى من غير ما يلزق او يتحرق وف نفس الوقت الصينيه وشها يحمر
ودى النتيجه



بالهنا والشفا

About admin

Leave a Reply

Your email address will not be published. Required fields are marked *

*