Friday, October 20, 2017

طريقة عمل فخذة ضاني مشوي مع الرز بالمكسرات بالصور

المكونات
فخدة ضاني
بصلة مفرومة ناعم جدا
فصين توم مفرومين
توابل : ملح – فلفل اسود – بهارات مشكلة – قرفة – حبهان – جنزبيل – كزبرة – قرنفل – ورق لوري

الطريقة بالصور :

نغسل الفخذة كويس جدا ونعمل فيها شقوق بالسكينة في كذا حتة


بصلة مفرومة ناعم جدا
  


توابل : ملح – فلفل اسود – بهارات مشكلة – قرفة – حبهان – جنزبيل – كزبرة – قرنفل – ورق لوري
  


نخلط التوابل المطحونه و القرنفل وورق اللوري مع البصلة المفرومة والثوم


نتبل بيها الفخذة كلها وش وظهر وندعكها كويس ونحاول نوصل التتبيلة في الشقوق اللي عملناها عشان تتشربها ..
وبعدين نلفها ونحطها في التلاجة يوم كامل ..

  

تاني يوم نطلعها من التلاجة ونفرد على الصينية ورقة فويل ونحط كوباية ماية ونلف الفويل عليها كوي جدااا بحيث انه ميطلعش ولا نقطة ماية بره ..
وفي الصينية نفسها برضه نحط نص كوب ماء .. وندخلها الفرن على حرارة 180 – 200 من ساعتين ل 3 ساعات
ومتحاوليش تفتحي عليها الفويل قبل الساعتين خالص .. بس الماية اللي في الصينية كل لما تنشف زوديها .. وبعد ما تستوي تفتحي الفويل تحمري وشها بس مش كتير عشان ماتنشفش ..


وده شكلها لما استوت مع الرز بالمكسرات ..

معلش الرز ماصورتش الطريقة بتاعته بس هي سهلة ان شاء الله ..

بتنقعي 2 كوب رز بسمتي في ماء ساخن نص ساعة ..
وبعدين تقلي بصلة مفرومة في الزيت ( 4 ملاعق او 5 زيت ) الرز البسمتي كل لما تزودي زيت كل لما يبقى احلى معاكي ولما تصفر تحطي عليها 3 اكواب ماء والتوابل اللي هي :
نص ملعقة قرفة – ملح – فلفل اسود – 4 فصوص حبهان و 4 قرنفل – ورقتين لوري – ربع معلقة كاري – نص معلقة كركم – ربع معلقة جنزبيل وكبشة زبيب
وتسيبي الرز يستوي تلت ساعة .. وبعدين تحمري اللوز والزبيب في السمن وتزينيه بيها ..
  

About admin

Leave a Reply

Your email address will not be published. Required fields are marked *

*