Wednesday, December 13, 2017

طريقة عمل محشي ورق عنب وكوسا بالريش بالصور

المكونات :

نحضر التسبيكه او التخديعه :

طبعا بصل مبشور نشوحه في معلقتين سمن لحد ما يصفر و بعدها معلقه ثوم و جنزبيل مفروم و لما تدبل نضيف عصير الطماطم المصفي و نضيف علبه صلصه كامله ( ده في حاله لو الطماطم كانت مش حمراء كفايه و نضيف ملح و فلفل اسود مطحون و نسيبها لحد ما تتسبك و تتقل خالص بحيث يكون شكلها كده

بعدها فرمت الخضره ( الكزبره و الشبت ) و ضفت معلقتين كبار ثوم مفروم

 بعدها ضفت التسبيكه

و ضفت البهارات ( ملح – بابريكا – جنزبيل – بردقوش – قرفه –  بهار مشكل – معلقه مطحون : حبهان – ورق لورا – نعناع – قرنفل ) بعدين غسلت الارز و صفيته كويس و ضفته للخلطه

دي كده خلطه المحشي المعتمده عندي

نخللي الخلطه على جنب و نروح نحضر حله المحشي

اولا حضرت الريش و شوحتها في شويه زيت زيتون

كده الريش اتشوحت و شويه الزيت اللي اتشوحت فيهم احتفظ بيهم زي ما همه

جبت الحله و رصيت طبقه ترنشات سميكه بصل و كام فص ثوم

بعدين رصيت طبقه بطاطس شرائح

بعدها رصيت الريش و صبيت عليها الزيت اللي شوحتها فيه و هوه قليل جدا مش كتير لكن بيحتوي على نكهه التشويح – و رشيت رشه ملح و فلفل و بهار عليهم

بعدها اخدت الخلطه اللي حضرتها اخدت منها جزء ضفت عليه لحمه مفرومه  معصجه و حشيت الكوسا

بباقي الخلطه حشيت ورق العنب و رصيته فوق الكوسا و رصيت عليهم شرائح من الطماطم و كام فص ثوم

رشيت على الوش شويه زيت زيتون و 3 اكواب مرقه لحم عليها ملعقه صغيره ملح ليمون و تركت الحله حوالي نصف ساعه على نار عاليه و بعدين بعدها نص ساعه على نار هاديه جدا

و دي النتيجه

About admin

Leave a Reply

Your email address will not be published. Required fields are marked *

*