Thursday, October 19, 2017

طريقة عمل الحواوشي بالصور

ان شاء الله تعجبكم طريقتي في عمل الحواوشي هيه سهله الطريقه دي باعمل فيها عجين العيش و في طريقه تانيه ان شاء الله حانزلهالكم بعد كده بان العيش بيكون جاهز و الطريقتين حلوين

   

المكونات :

لحم مفروم ( به نسبه دهن كويسه ممكن خمس الوزن دهن )- بصل ( و ما تكتريش اوي على النص كيلو لحم حطي بصله كبيره )
ملح – فلفل – بهارات
مقادير العجين : 6 كوبايات دقيق ابيض – كوب دقيق اسمر ( اختياري بس بيخلي العيش ليه طعم احلي و كمان قيمته الغذائيه عاليه جدا )
معلقتين كبار خميره جافه – معلقه صغيره سكر – رشه ملح

الطريقه :

اول خطوه اخلطي المكونات الجافه للعجين ( الدقيق و السكر و الخميره و رشه الملح )


ثم اعجنيهم بماء دافئ
اتركي العجين مغطي بفوطه حتى يختمر


في الوقت ده حضري خليط اللحم و ابشري البصله ناعم اوي و ضيفيها عليه و الملح و الفلفل و البهارات و لو تحبي سنه شطه خفيفه


بعد ان يختمر العجين قسميه كرات  ( ال7 كوبايات دقيق يعملوا 6 كرات علشان 3 ارغفه كبار )


اتركي الكرات دقائق بسيطه حتى ترتاح و يسهل فردها و رشي سطح الفرد دقيق و افرديها بالنشابه


رشي الصينيه دقيق و انقلي طبقه الخبز عليه
ضعي اللحم المفروم و افرديه بايدك كويس ووزعيه زي الصوره


ضعي طبقه اخري من الخبز و اغلقى الجوانب كويس اوي و اعملي ثقب من الاعلى بالسكين لخروج البخار


الفرن لو بيشتغل عندك الشوايه مع البوتاجاز كويس لو لاء سويه من البوتاجاز 10 دقايق و افتحي الشوايه عليه 3 دقايق من فوق
تابعي السوا علشان ما يتحرقش من تحت و الفرن يكون حامي  و العيش على الرف الاوسط


بياخد تقريبا 15 دقيقه
لما يخرج حطيه في اكياس او ورق و لفيه كويس ممكن كيسين من الاكياس  السميكه زي الصوره و ده علشان العيش يكون طري و يعرق معاكي زي ما بيقولوا و بعد 10 دقايق قطعيه


و بالهنا و الشفا

About admin

Leave a Reply

Your email address will not be published. Required fields are marked *

*