Tuesday, June 27, 2017

طريقة عمل آمراكاند – حلا المانجا الهندي بالصور

آمراكاند من الحلويات الهندية السهلة و الخفيفة..وهي من تقاليد شمال الهند 

يعتمد هالحلا على الزبادي المشخول و المانجا الفرش.. 

فيه وصفات المانجا تهرس مع الزبادي يعني ماتكون القطع واضحة..و احيانا لا اضافة قطع المانجا من غير هرس المانجا

و كل وصفة تختلف في اضافة البهارات و الزعفران

انا ماضفت بهارات بس اكتفيت بالزعفران مع اني ماحبيت طعم الزعفران فيه..لكم الخيار و افضل من دون زعفران

المقادير:

4 حبات مانجا مقطعة

ثلث كوب سكر ناعم الحبيبات

5 علب زبادي حجم 170 مل

شوية زعفران بودرة..او زعفران مدقوق

—————————————–

اول شي بنسوي الزبادي المشخول..

الزبادي المشخول يعني راح نصفي مصل اللبن من الزبادي لين يجف 

و فيه كذا طريقة لها 

تجيبون قماش المطبخ القطن و  تحطونه فوق صفاية وعليه الزبادي

و نربطه مرا كويس ونخليه فوق الصفاية وتحته صحن اهم شي الصفاية ماتلصق بالصحن

ونخليه بالثلاجة تقريبا من 4 ل 5 ساعات

راح تلاحظون المصل كله يطلع بعد هذي الفترة

في حالة لو ماكان عندكم قماش قطن..جيبوا شاش كبير وحطوا طبقتين فوق بعض و امشوا على نفس الطريقة 

و ننقل الزبادي لقالب الخلاط و نضيف عليه السكر و بعدين قطع المانجا والزعفران و نخلط

و نصبه في قوالب صغيره و نتركه في الثلاجة لمدة 4 ساعات

يقدم بارد

و بالعافية

About admin

Leave a Reply

Your email address will not be published. Required fields are marked *

*