Saturday, November 25, 2017

طريقة عمل تشيز كيك بالصور

تشيز كيك

المكونات :-

  • للطبقة الأولى :-

  1. بسكوت شاهي .. 2 باكيج توشيبا مدري تيشوب :mrgreen:

  2. نص كوب زبدة مذوبة

  3. نص كوب سكر

  • للطبقة الثانية ( الحشوة ) :-

  1. 30 حبة جبنة كيري ! << آآآي نووو ! مرة مبالغ فيها =| بس هي كدا جات بعد الارتجال

  2. علبتين حليب نستله المكثف

  3. كوب أو أقل من السكر

  4. 3 بيضات

  5. شووية فانيليا

  6. عصير ليمونة كبيرة ( نص كوب تقريبا )

  7. كوب كريمة خفق

  • الطبقة الأخير :-

  1. استخدمت مربى التوت السائل << متعوب عليها

~::~

الطريقة :-

اول شيء نسوي الحشوة عشان تقعد كم دقيقة ترتاح 😛

  • نحط اول شيء الكيري و نخفقها خفقا مدويا ، الين تصير انعم شيء

  • نضيف الحليب المكثف و المكينة شغالة

  • نضيف البيض حبة حبة .. يعني الاولى ونتنساها تنخفق :mrgreen: بعدين اللي بعدها وهكذا

  • نحط الكريمة + السكر + الفانيليا + الليمون و نسيبها تخفق بقوة كم دقيقة =] بعدين نطفي و نسيبها على جنب

نجي نسوي الطبقة السفلية =)

  • نسحق البسكوت في المكينة بعدين نضيف السكر و الزبدة المذوبة و نستمر في السحق و الخلط والعجن << ايش محل السكينة من الاعراب ؟ 😛

  • بعد ما يستشهد البسكوت و تختلط أنفاسه بالزبدة و السكر نحطه في الصينية اللي حنستخدمها و نفرده

المرحلة الثالثة :-

  • نصب الخليط الأول عالبسكوت بكل هدوء و رقة P:

  • ندخل الصينية للفرن .. 250 درجة لمدة 25 دقيقة تقريبا ( الين ندخل عود في الوسط و يخرج نظيف )

  • نخرجها و نسيبها تبرد جدا .. سيبوها على راحتها ! ما تبغوا ترتكبوا نفس غلطتي صدقوني =/

المرحلة الرابعة :-

  • بعد ما تبرد نحط المربى وندخلها الثلاجة لمدة أكثر من ساعة ، انا حطيتها في الفريزر شويتين لاني مستعجلة

وبس =)

بالعافية =$

About admin

Leave a Reply

Your email address will not be published. Required fields are marked *

*