Sunday, October 22, 2017

طريقةعمل فيليه الدجاج بالفلفل الأحمر بالصور

فيليه الدجاج بالفلفل الأحمر

المكونات :-

  • صحن صدور دجاج مقطعة مكعبات

  • كوب موية

  • فلفلة حمرا و فلفلة خضرا << من الحار .. مقطعة شرايح

  • ملعقتين صلصة .. مقطعة شرايح ، أمزح :mrgreen:

  • ملعقتين عصير ليمون << مو تروحوا تسووا لي عصير و تاخدوا ملعقتين ! لا اعصروا نص ليمونة في ملعقتين :mrgreen: << يقلع أم الشرح

  • بصلتين مقطعة شرايح

  • حبة فلفل رومي مقطعة شرايح 😛 حنفرمها في المكينة فما يحتاج بس عبط

  • ملعقة كبيرة نشا

  • حزمة بقدونس صغيرة مقطعة

  • 4 حبات بصل أخضر مقطع شرايح برضو

~::~

الطريقة :-

  • نسلق الدجاج لـ 10 دقايق بعدين نفصله عن المرقة

  • نحط مع الدجاج الصلصة + عصير الليمون + الفلفل الحار + شوية ملح و نحرك

  • بعدين نخليها تقعد كم ساعة ، انا خليتها ساعة وحدة تقريبا عشان مافي وقت :mrgreen:

  • في مقلاة نحط شوية زيت بعدين نقلي الدجاج 5 دقايق مع التقليب

  • نطلع الدجاج من الزيت =/ و نحط بداله البصل و الفلفل الرومي المفروم ونحرك

  • بعد ما يصير البصل مدري كيف نرجع الدجاج و نحرك

  • نذوب النشا في المرقة =] و نحطه عالدجاج

  • و قبل التقديم نضيف البصل الأخضر + البقدونس و نحرك

أكلناها مع الرز =) مررررررررة طعمة خصوصا مع السومطرة =”)

بالعافية =)

About admin

Leave a Reply

Your email address will not be published. Required fields are marked *

*