Monday, September 25, 2017

طريقة عمل كيكة البونتي بالصور

كيكة البونتي

هالكيكه  روعه للي يحبو شوكولاته باونتي وجوز الهند ” فديت روحهم الغاليين اللي يحبو جوز الهند ” وبارد ومنعش في هالحر .. جربناه في اخر قعده لنا مع البنات في بيت صلحيه .. هالقمر كله مدلعتنا ومدللتنا تسلم ايدها .. وخذنا الطريقه منها .. جربوا واحكوا ..

بس الفرق هي طبقت الكيك خلتها مفتته ورصتها مثل الجيز كيك .. بس لما سويتها خليتها مثل ماهي .. وسويت خطأ  اني حطيت طبقة جوز الهند قبل ماتبرد الكيكه فصارت رطبه من تحت بس عموما ماخرب ع الطعم ..  واذا تبغوها مثل الاييسكريم تقدروا تستبدلوا الطبقه الاخيره بشوكولاته مذوبه مع قشطه وبردوها في الفريز >> ماجربتها بس اتوقع بتطلع تمام  ..

المقادير + الطريقه

الطبقة الأولى .. كيكة بنيه تقدروا تسووها او تستخدموا كيك بيتي كروكر شوكولاته  نخبزها ونتركها تبرد

الطبقة الثانيه… في قدر نحط ” كاسين جوز هند + كاسين حليب + 3 ملاعق سميد + نص كاس زيت + بياله سكر ” ونحركه ع النار بس يغلي ويثقل نرفعه ونصبه على طبقة الكيك ونترتبه بالملعقه

الطبقه الثالثه .. في قدر نحط  ” ظرف كريم كراميل + فنجان سكر + علبة قشطة + 3 ملاعق كاكاو + كاس حليب ” نذوبهم على النار وبس يغلي نرفعه ونصبه بحذر على طبقة جوز الهند وندخله الثلاجه يبرد  لحين وقت التقديم وبالعافيه

About admin

Leave a Reply

Your email address will not be published. Required fields are marked *

*