Thursday, November 23, 2017

طريقة عمل شاورما الدجاج العربي

شوارما الدجاج العربي

هالوصفه خذتها من هجر من زمان وكل مره أاجل تجربتها لأن عندنا بالبيت طريقه للشوارما معتمدينها وسبق حطيتها في المدونه بس كتغيير قلت

اجربها امس تخيلت انه طعمها ممكن يكون اقرب للشوارما من الطريقه اللي اسويها .. وفعلا الطريقه حلوه وسهله وسريعه  ماتاخذ وقت الا بسلق الدجاج

المقادير

دجاجه مسلوقه ومقطعه بالأصح مفتته .. شخصياً استخدمت صدور دجاج

ملح , بهارات مشكله , كمون وفلفل أسود

ربع كاس عصير ليمون

ربع كاس زيت زيتون

بصله  مقطعه جوانح ” اختياري مو ضروري تحطوها

الطريقه

بعد تفتتيت الدجاج  المسلوق  “نخليه مثل الخيوط”  نحط عليه  البهارات ونصب فوقه عصير الليمون وزيت الزيتون ونتركه 10 دقايق يتبل

وفي المقلى نحط شرايح البصل الرقيقه ونشوحهم ع السريع  في ملعقتين زيت ونحط الدجاج فوقهم  ونحركه ونتركه على نار هاااديه نص ساعه

ونشوحه بالاخير ونرفعه عن النار ويكون جهز عندنا نحطه بالسندويتشات بالطحينيه والاضافات اللي نحبها

About admin

Leave a Reply

Your email address will not be published. Required fields are marked *

*