Wednesday, November 22, 2017

طريقة عمل بسبوسة الجالكسي بالصور

بسبوسة الجالكسي

هالبسبوسه صايره موضه السنه وكل مادخل موقع للطبخ تكون موجوده فيه وقررت أخيراً أطبقها بس طلعت حاميه المره الجايه بقلل كمية السكر والحليب المركز بتطلع احلى بوايد أكيد بس هنا بعطيكم المقادير الأصليه وانتوا قللوا كمية السكر اذا تحبون

المقادير

بيض 3 حبات + رشة فانيلا

بيالة شاي زيت

علبة قشطة ” وبنفس علبة القشطة نقيس باقي المقادير

سميد علبة ونص

جوز هند نص العلبة

علبة سكر

ملعقة طعام نسكافيه , ملعقة كاكاو بودره , ملعقة بيكنغ باودر

للتغطية / علبة حليب مركز , 2 جالكسي ساده

طحينية لدهن الصينية

الطريقة

نخلط المقادير الجافه مع بعض

والسائله مع بعض بعدين نخلطهم جميع ونصبهم في الصينية المدهونه بالطحينيه

وندخلها الفرن نخبزها

بس نطلعها نصب عليه الحليب المركز ” الأحسن انكم تدهنوها مجرد دهن بسيط به

ونبشر فوقها الجالكسي وبس تبرد نبشر الجالكسي الثاني

هنا ماخليتها تبرد زين وحتى الثاني ذاب شوي

About admin

Leave a Reply

Your email address will not be published. Required fields are marked *

*