Saturday, September 23, 2017

طريقة عمل 3 تغميسات للشيبس

1- سالسا الفلفل الرومي الأحمر المشوي

المقادير:

نص حبة فلفل رومي أحمر

نص حبة بصل 

1 طماطم متوسطة منزوعة الجلد ومقطعة صغير

م ص خل التفاح

رزمة صغيرة من البقدونس

2 م ك عصير ليمون

م ص فلفل أسود

شريحتين من فلفل الهاليبينو المكسيكي المخلل

——————————————–

في صينية نحط الفلفل الرومي و البصل من غير مانقطعهم ونرش عليهم زيت زيتون وبالفرن من فوق وتحت لمدة 30 دقيقة  او أقل لحد مايذبلون ونقلبهم كل شوي 

وفي خلال هذي الفترة نحط الطماطم في موية حارة حتى يسهل عليها قشرها وبعدين نشيل البذور و نقطعها قطع صغيرة

وبعدين نحطها في خلاط الخضروات و معاها الليمون و الخل و البقدونس و الهاليبينو و الفلفل الأسود مانخلطهم  بس عشان الوقت ونكون مجهزين كل شي

وبعد نص ساعة نطلع الفلفل الرومي الاحمر و البصل و نتركهم يبردون و الفلفل الرومي لازم يتقشر قبل الخلط

ونحطهم على باقي المقادير في الخلاط ونخلط بشكل متقطع مو مستمر بس مجرد ماتنهرس المكونات مع بعض نضغط 4 مرات او 5 يكفي

——————————————————————

2- الأفوكادو مع الكريمة الحامضة

المقادير:

نص حبة افوكادو

نص علبة كريمة حامضة

م ك ليمون

طماطم متوسطة مقطعة صغير

م ص ملح

م ص فلفل أسود

م ك فلفل أخضر مقطعة صغير <<< اختياري

———————————-

نخلط الافوكادو مع الكريمة الحامضة لحد مايختلطون مع بعض

بعدين نضيف الليمون و الملح و الفلفل الأسود

و آخر شي الطماطم و البصل الأخضر و نقلبهم بشوي عشان الطماطم لا تنهرس وتكون واضحة

———————————————————————————-

3- تغميسة لبن الزبادي

المقادير:

علبة لبن زبادي

م ك مايونيز

فص ثوم

م ك ليمون

م ص ملح

نص م ك سماق

——————————————

كل المقادير تخلط مع بعض و تنحط بالثلاجة ربع ساعة و آخر شي قبل التقديم نضيف السماق

About admin

Leave a Reply

Your email address will not be published. Required fields are marked *

*